ចង់ដឹងថា Mate 10 Pro ធន់ប៉ុណ្ណាទេ? មកមើលវីដេអូនេះទាំងអស់គ្នា… (មានវីដេអូ)

ក្នុងខែនេះតែម្ដង កំពូលស្មាតហ្វូនរបស់ក្រុមហ៊ុន Huawei គឺ Mate 10 Pro បានត្រៀមខ្លួនរួចជាស្រេចសម្រាប់ការចេញលក់លើទីផ្សារសហរដ្ឋអាមេរិច ដូចនេះសម្រាប់អ្នកដែលមានបំណងទិញ គប្បីដឹងឲ្យច្បាស់ពីលក្ខណៈពិសេស និងភាពធន់របស់ស្មាតហ្វូននេះឲ្យច្បាស់ ជៀសវាងការចំណាយប្រាក់ឥតប្រយោជន៍។ ដោយឡែក នាពេលថ្មីៗនេះយើងទទួលបានវីដេអូថ្មីមួយទៀតហើយពីម្ចាស់ឆានែល YouTube មានឈ្មោះថា JerryRigEverything ដែលយើងទាំងអស់គ្នាស្គាល់ហើយថា ជាមនុស្សម្នាក់ដែលចូលចិត្តយកស្មាតហ្វូនកំពូលៗមកធ្វើតេស្តសាកល្បងយ៉ាងសាហាវៗបំផុត។ 

សម្រាប់លើកនេះ ក៏មិនខុសអីពីសព្វដងដែរ ហើយសម្រាប់ស្មាតហ្វូនកំពូលដែលម្ចាស់ឆានែលរូបនេះនឹងយកមកធ្វើតេស្តគឺ Mate 10 Pro របស់ក្រុមហ៊ុន Huawei។ ទាក់ទងទៅនឹងការធ្វើតេស្តសាកល្បងនេះ ត្រូវបានធ្វើឡើងជាច្រើនដំណាក់កាលដែលមានទាំង ឆ្កូត ដុត និងពត់ផងដែរ។ គួរបញ្ជាក់ផងដែរថា Huawei Mate 10 Pro ត្រូវបានបំពាក់ដោយអង្គផ្ទុកទិន្នន័យទំហំ 128GB ជាមួយនឹងទំហំ RAM 6GB។ ចំពោះថាមពលថ្មមានទំហំ 4,000mAh និងមានភ្ជាប់មកជាមួយបច្ចេកវិទ្យាមិនចូលទឹក និងធូលី IP67 ផងដែរ។

Fu

ប្រភព៖ phandroid