ទប់ទឹកភ្នែកមិនបានទេ! សាកសពពីរនាក់ប្ដីប្រពន្ធដែលត្រូវចោរឆក់កាបូបត្រូវបានបូជា កូនប្រុសតូចស្រែកយំមិនឃើញប៉ាម៉ាក់ដូចសព្វដង (មានវីដេអូ)

កាលពីម្សិលមិញនេះជាថ្ងៃដែលសាកសពពីរនាក់ប្ដីប្រពន្ធដែលត្រូវចោរឆក់កាបូបត្រូវបានបូជា និងបានបន្សល់ទុកកូនប្រុសតូចឲ្យរស់នៅកំព្រា ។ ក្នុងនោះមានគណនីហ្វេសប៊ុកឈ្មោះ Chhoun Chann Asda ដែលបានចូលរួមក្នុងពិធីបុណ្យសពនោះបានរៀបរាប់ថា៖ ពេលនេះម៉ោងនេះរូបកាយរបស់ប្អូនប្រុសស្រីទាំងពីរនាក់ប្ដីប្រពន្ធដែលត្រូវចោរឆក់កាបូបនោះត្រូវរលាយរូបកាយពីលោកនេះហើយ បន្សល់ទុក្ខអោយកូនតូចដែលទើបចេញពីពេទ្យមកចូលរួមបុណ្យសពឪពុកម្ដាយទាំងមិនដឹងថានេះជាកម្មវិធីអី្វហើយពូមីងតាយាយយំរឿងអ្វី?


ហើយផ្សែងដែលកើតចេញពីការដុតរោលរាងកាយសពប្ដីប្រពន្ធដែលជាឪពុកម្ដាយរបស់គេនោះជាផ្សែងអ្វី? ហើយហេតុអ្វីមិនឃើញប៉ាម៉ាក់មកពរមកអោបមកថើបគេដូចសព្វដងមានតែអ៊ុំពូមីងតាយាយមកលួងលោមគេអោយបាត់យំ ទិដ្ធភាពបែបនេះមានតែសាច់ញាតិនៃសពនិងអ្នកឃើញផ្ទាល់ភ្នែកប៉ុណ្ណោះដែលយល់ពីអារម្មណ៍មួយនេះ។ គួរបញ្ជាក់ផងដែលថាកាលពីយប់ថ្ងៃទី២៨ ខែមិថុនា ឆ្នាំ២០១៧ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ បុរសជាប្តីបានដឹកប្រពន្ធនិងកូនទៅផ្ទះ នឹងត្រូវចោរឆក់ខ្សែកប្រពន្ធ ហើយបុរសជាប្តីក៏បានជិះម៉ូតូដេញតាមម៉ូតូជនសង្ស័យជ្រុលចង្កូតទៅបុកគូទរថយន្តដែលកំពុងបើកស្របទិសដៅគ្នា បណ្តាលអោយជនរងគ្រោះជាប្រពន្ធ និងប្តីបានស្លាប់បាត់បង់ជីវិតចោលកូនប្រុសឲ្យនៅកំព្រា៕<

ប្រភព៖ Khmer Note

COMMENTS