ក្រុមដែលមានមូលដ្ឋាននៅខេត្តបន្ទាយមានជ័យគឺក្រុម Sisophon FC ត្រៀមខ្លួនរួចជាស្រេចក្នុងការប៉ះក្រុម យុវជនកំពង់ផែ នៅក្នុងសប្ដាហ៍នេះ

មុននេះបន្ដិចក្រុមការងារសារពត៌មាន Khmernote បានធ្វើបទសំភានស៍ជាមួយនឹងអ្នកតំណាងក្រុម​ Sisophon FC ដែលត្រូវប៉ះជាមួយនឹងក្រុម យុវជនកំពង់ផែ នៅក្នុងការប្រកួតពានរង្វាន់ Ganzberg Cup រដូវកាលទី 3 សប្ដាហ៍ទី 11 ក្នុងថ្ងៃអាទិត្យសប្ដាហ៍នេះ។

នៅក្នុងបទសំភាសន៍ជាមួយនឹងអ្នកតំណែងក្រុម Sisophon FC នេះគាត់បានប្រាប់មកកាន់ក្រុមសារពត៌មាន Khmernote ថា៖ នៅក្នុងការប្រកួតសប្ដាហ៍នេះជាមួយនឹងក្រុម យុវជនកំពង់ផែ អ្នកតំណាងក្រុម Sisophon FC យល់ឃើញថាក្រុម យុវជនកំពង់ផែ គឺជាក្រុមខ្លាំងមួយនៅក្នុងតំបន់កំពង់សោម ហើយក្រុម យុវជនកំពង់ផែ ក៏ជាក្រុមលេខ 1 នៅក្នុងការជម្រុះតំបន់កំពង់សោមទៀត ដូច្នោះគាត់យល់ថាការប្រកួតនៅក្នុងសប្ដាហ៍នេះអាចជាការប្រកួតដ៏តានតឹងសម្រាប់គាត់។

ចំពោះក្រុម Sisophon FC គឺជាក្រុមតែមួយគត់ដែលមានមូលដ្ឋាននៅក្នុងខេត្ត បន្ទាយមានជ័យ។ ចំណែកឯកីឡាកររបស់ក្រុម Sisophon FC វិញភាគច្រើនគឺជាអ្នកមានភារៈកិច្ចរៀងៗខ្លួនដូច្នោះក្រុមមួយនេះពុំសូវមានពេលវេលាគ្រប់គ្រាន់ក្នុងការហ្វឹកហាត់ទេ។ ចំពោះកីឡាករអាជីពវិញក្រុម Sisophon FC គឺមានកីឡាករអាជីពម្នាក់មកពីក្លឹប Western United

ការយល់ឃើញការប្រកួត Ganzberg Cup រដូវកាលទី 3 ដែលរៀបចំឡើងដោយក្រុមហ៊ុន Ganzberg Beer គាត់យល់ឃើញថា ការប្រកួតនេះគឺជាការប្រកួតដ៏ល្អមួយដែលអាចអោយយុវជនជាច្រើនបានបញ្ចេញសមត្ថភាពលើទីលានប្រកួត ថែមទាំងជួយអោយយុវជនដែលមានសមត្ថភាពល្អៗត្រូវបានទស្សនិកជនស្គាល់ទៀតផង ដោយសារតែការប្រកួតនេះគឺមានការផ្សាយផ្ទាល់ចេញពីកញ្ចក់ទូរទស្សន៍ MYTV។ ចំណែកឯចំនុចខ្វះខាតវិញគាត់បានសំណូមពរអោយក្រុមហ៊ុន Ganzberg Beer បង្កើតការជម្រុះនៅក្នុងតំបន់ បន្ទាយមានជ័យ ព្រោះនៅក្នុងខេត្ត បន្ទាយមានជ័យ មានក្រុមជាច្រើនដែលមានសមត្ថភាពខ្ពស់ចង់ចូលរួមប្រកួត។

បុត្រ