នី មុន្នីនាថ ទទួលបាននំខេក និង កាដូយ៉ាងច្រើនក្នុងថ្ងៃខួបកំណើត!

សិល្បៈ៖ តារាសម្ដែងពូកែខាងដើរតួកម្សត់រហូតទស្សនិកជនដាក់រហស្សនាមថាតារាទឹកភ្នែក នី មុន្នីនាថ ទើបតែទទួលបានការភ្ញាក់ផ្អើលពីសំណាក់មិត្តស្និទ្ធស្នាលរួមអាជីពនៅក្នុងឱកាសថ្ងៃខួបកំណើតរបស់ខ្លួនកាលពីថ្ងៃទី ០១ ខែ មករា ឆ្នាំ ២០១៨ នេះ ។

ទោះបីជាកម្មវិធីខួបកំណើតរបស់ នី មុន្នីនាថ មិនបានប្រារព្ធឡើងអធិកអធម ប៉ុន្ដែនាងក៏ទទួលបានក្ដីស្រឡាញ់ និង ភាពកក់ក្ដៅយ៉ាងពេញទំហឹងពីបណ្ដាមិត្តស្និទ្ធស្នាល ដែលសុទ្ធសឹងជាមិត្តរួមអាជីពសិល្បៈរបស់នាងតែម្ដង ។
ក្នុងនោះដែរ គេសង្កេតឃើញតារាសម្ដែងដ៏ប៉ិនប្រសប់ នី មុន្នីនាថ ទទួលបាននំខេកខួបកំណើត និង កាដូជាច្រើនពីបណ្ដាមិត្តភក្តិ ក្រុមគ្រួសារ ក៏ដូចជាអ្នកគាំទ្រផ្ទាល់របស់ខ្លួនតែម្ដង ៕