LG G6 Mini រឺ Q6 និង Galaxy A5(2017) មួយណាខ្លាំងជាង?

នាពេលថ្មីៗនេះ យើងសង្កេតឃើញមានពត៌មានជាច្រើនទាក់ទងទៅនឹងម៉ូដែលថ្មី ដែលគេជឿថាជាម៉ូដែលតូចរបស់កំពូលស្មាតហ្វូន LG G6 ហើយត្រូវបានក្រុមហ៊ុន ដាក់ឈ្មោះឲ្យថា LG Q6។ ដោយឡែក ត្រកូលនេះត្រូវបានក្រុមហ៊ុនរចនាឡើងជាច្រើនដូចជា Q6, Q6 Plus និង Q6a។ ទោះជាយ៉ាងណា ម៉ូដែលទាំងអស់នេះគឺមានចំណុចខុសគ្នាមួយចំនួនដូចជា៖ ទំហំ RAM និងអង្គផ្ទុកទិន្នន័យ។

គួរបញ្ជាក់ផងដែរថា ត្រកូល Q6 ថ្មីនេះគឺស្ថិតក្នុងប្រភេទស្មាតហ្វូនធន់កណ្ដាលរបស់ក្រុមហ៊ុន LG ហើយម៉ូដែលនេះនឹងក្លាយទៅជាដៃគូប្រគួតប្រជែងរបស់ស្មាតហ្វូនធន់កណ្ដាលដូចគ្នារបស់ក្រុមហ៊ុន Samsung នោះគឹ Galaxy A5(2017)។ សម្រាប់លោកអ្នកដែលមានបំណងចង់ទិញស្មាតហ្វូនធន់កណ្ដាលយកទៅប្រើប្រាស់ អាចនឹងមានការពិបាកក្នុងការជ្រើសរើសរវាងម៉ូដែលទាំងពីរនេះ ប៉ុន្ដែយើងនឹងលើកយកការប្រៀបធៀបខ្លះៗដើម្បីជួយសម្រួលឲ្យលោកអ្នកក្នុងការសម្រេចចិត្ត។

  • ការប្រៀបធៀបលើលក្ខណៈពិសេស

សម្រាប់ LG Q6 គឺមានអេក្រង់ទំហំ 5.5អ៊ីញ ក្នុងកម្រឹតបង្ហាញរូបភាព Full HD+ និងសមាមាត្រ 18:9។ ដូចគ្នាទៅនឹងកំពូលស្មាតហ្វូន LG G6 ដែរ ពោលគឺគែមស្ដើង និងទំហំអេក្រង់ប៉ុនគ្នា។ ទាក់ទងទៅនឹងបន្ទះឈីបវិញគឺបំពាក់ដោយ Snapdragon 435 និងថាមពលថ្មទំហំ 3,000mAh។

គួររំលឹកឡើងវិញថា ម៉ូដែលទាំងបីនៃត្រកូល Q6 នេះគឺមានលក្ខណៈពិសេសស្ទើរដូចគ្នាទាំងស្រុងតែម្ដង ទាំងរូបរាង និងទំហំ RAM ដោយ Q6a គឺមានទំហំ RAM 2GB និងអង្គផ្ទុកទិន្នន័យ 16GB។ ចំណែកឯ Q6 វិញគឺមានទំហំ RAM 3GB និងអង្គផ្ទុកទិន្នន័យ 32GB និងចុងក្រោយគេគឺម៉ូដែល Q6 Plus ដែលមានទំហំ​ RAM 4GB និងអង្គផ្ទុកទិន្នន័យ 64GB។

ទាក់ទងទៅនឹងកាមេរ៉ាវិញត្រកូល Q6 គឺមានទំហំរហូតដល់ទៅ 13MP សម្រាប់កាមេរ៉ាក្រោយ និង 5MP ប្រភេទ wide-angle សម្រាប់កាមេរ៉ាមុខ។ មិនតែប៉ុណ្ណោះ Q6 ដំណើរការដោយប្រព័ន្ធ Android 7.1.1 Nougat និង UI ផ្ទាល់របស់ក្រុមហ៊ុន LG តែម្ដង។ ប៉ុន្ដែសម្រាប់ sensor ស្កេនស្នាមក្រយ៉ៅដៃវិញគឺមិនមានទេ។

សម្រាប់ Samsung Galaxy A5 វិញគឺមានអេក្រង់ទំហំ 5.2អ៊ីញ ប្រភេទ Super AMOLED ក្នុងកម្រឹតបង្ហាញរូបភាព Full HD ជាមួយនឹងសមាមាត្រ 16:9។ បើទោះជាម៉ូដែលនេះមានទំហំតូចជាងគូប្រគួតមែនពិត តែវាមានការបោះជំហានមុខបានឆ្ងាយជាង ពោលគឺមុខងារ និងបច្ចេកវិទ្យាជាច្រើនត្រូវបានដាក់បញ្ចូលក្នុងម៉ូដែលនេះ។ យ៉ាងណាមិញ ចំពោះទំហំគឺមិនមែនជាបញ្ហាចោទឡើយ ព្រោះម៉ូដែលទាំងពីខុសគ្នាត្រឹមតែ 4មម x 2មមប៉ុណ្ណោះ។

គួរបញ្ជាក់ផងដែរថា Galaxy A5 មានបំពាក់ដោយបន្ទះឈីបប្រភេទ Exynos 7880 និងថាមពលថ្មដូចគ្នាទៅនឹង Q6 ដែលមានទំហំ 3,000mAh។ មិនតែប៉ុណ្ណោះ ម៉ូដែលនេះមានទំហំ RAM 3GB និងអង្គផ្ទុកទិន្នន័យ 32GB។ លើសពីនេះទៅទៀត A5 គឺមានបំពាក់ដោយដែកនៅគែមជុំវិញ 3D glassនៅផ្នែកខាងក្រោយ និងអ្វីដែលអស្ចារ្យបំផុតនោះគឺបច្ចេកវិទ្យាមិនចូលទឹក និងធូលី IP68។ សម្រាប់កាមេរ៉ាក្រោយវិញគឺមានទំហំរហូតដល់ទៅ 16MP ក្នុងកម្រឹត Aperture f/1.9។ សម្រាប់ sensor ស្កេនក្រយ៉ៅដៃម៉ូដែល Galaxy A5 គឺមានបំពាក់នៅនឹងប៊ូតុង Home ផ្នែកខាងក្រោមអេក្រង់។ ចំពោះកាមេរ៉ាមុខវិញគឺមានទំហំរហូតដល់ទៅ 16MP ដូចគ្នា។

សម្រាប់ប្រព័ន្ធដំណើរការវិញ​ Galaxy A5 គឺប្រើប្រាស់ប្រព័ន្ធដំណើរការ Android 6.0.1 Marshmallow ប៉ុណ្ណោះពីក្នុងប្រអប់ ប៉ុន្ដែលោកអ្នកអាចតម្លើងយក Android 7.0 Nougat បាន។

Fu

ខ្មែរណូត

ប្រភព៖ androidauthority

COMMENTS