ដោយសារតែរឿងបាត់ទូរស័ព្ទមួយគ្រៀង ធ្វើឲ្យយុវសិស្សម្នាក់ស្ទើរបាត់បង់ជីវិត

ម៉ាឡេស៊ី៖ យុវសិស្សម្នាក់ត្រូវបានមិត្តភក្តិខ្លួនព្រួតគ្នាវាយ និងគប់នឹងដុំថ្មស្ទើរតែស្លាប់ខ្លួន ដោយសារតែរឿងបាត់ទូរស័ព្ទដៃមួយគ្រឿង។ ហេតុការណ៍នេះបានកើតឡើងនៅក្នុងសាលាបឋមសិក្សា Selayang ស្ថិតនៅក្នុងភូមិ Selayang ប្រទេសម៉ាឡេស៊ី។ មុនពេលកើតហេតុ យុវសិស្សដែលជាជនរងគ្រោះបានបាត់ទូរស័ព្ទដៃមួយគ្រឿង ហើយរូបគេបានចោទថាមិត្តភក្តិរបស់គេម្នាក់បានលួចទូរស័ព្ទនោះយកទៅ។

យុវជនដែលជាជនរងគ្រោះបានព្យាយាមសុំទូរស័ព្ទនោះវិញ តែមិត្តភក្តិដែលគេសង្ស័យថា បានលួចទូរស័ព្ទនោះ បានប្រកែកថា រូបគេមិនបានយកទូរស័ព្ទនោះទេ។ ស្ថិតនៅក្នុងហេតុការណ៍នេះ យុវសិស្សជនរងគ្រោះបានហៅបងប្រុសរបស់គេ ដើម្បីមកជួយនិយាយ តែយ៉ាងណាក្តីមិត្តភក្តិដែលត្រូវបានគេចោទប្រកាន់នោះក៏បានត្រៀមខ្លួនទុកជាមុនដែរ គឺគេបានហៅមិត្តភក្តិរបស់គេជាច្រើនឲ្យរងចាំជួយគេ។

ពេលភាគីទាំងពីរបានជួបគេ ក៏បានបង្កើតជាអំពើហិង្សាមួយឡើង ដែលបង្កឲ្យយុវសិស្សបានបាត់ទូរស័ព្ទនោះរងរបួសស្ទើរស្លាប់ខ្លួន ព្រោះតែត្រូវគេព្រួយវាយ និងគប់នឹងដុំថ្ម។ ពេលនេះប៉ូលិសកំពុងតាមចាប់ខ្លួនក្រុមក្មេងស្ទាវដែលបានបង្កហេតុ ឲ្យមកទទួលទោសតាមផ្លូវច្បាប់៕

ភក្តី

ប្រភព៖ worldofbuzz