ព្រឺសម្បុល! ដុំសក់ទម្ងន់២គីឡូវះកាត់យកចេញពីពោះក្មេងស្រីម្នាក់

ប្រទេសឥណ្ឌា៖ ក្មេងស្រីអាយុ១៦ឆ្នាំម្នាក់ត្រូវបានគ្រូពេទ្យវះកាត់យកដុំសក់ទម្ងន់២គីឡូចេញពីពោះរបស់នាង។ ក្មេងស្រីខាងលើមានឈ្មោះ Aakansha Kumari អាយុ១៦ឆ្នាំ នាងបានចាប់ផ្ដើមហូបសក់របសខ្លួនឯងជាង១ឆ្នាំទៅហើយ ប៉ុន្ដែអាណាព្យាបាលមិនបានដឹងឡើយលុះត្រាដល់ពេលនេះចាប់ផ្ដើមស្រកជំងឺទើបអាណាព្យាបាលក្មេងស្រីរងគ្រោះចាប់អារម្មណ៍។ មួយរយៈចុងក្រោយនេះ នាងពុំសូវហូបចុកបានឡើយដោយសារតែនាងពិបាកក្នុងការហូបចុក លុះដល់ថ្ងៃមួយអាណាព្យាបាលនាងបាននាំក្មេងស្រីខាងលើទៅឆ្លុះកាំរស្មី X-Ray ក៏ប្រទះឃើញរបស់ធំម្យ៉ាងនៅក្នុងពោះរបស់នាង។ ទាំងគ្រូពេទ្យនិងអាណាព្យាបាលរបស់ក្មេងស្រីខាងលើមានការភ្ញាក់ផ្អើលយ៉ាងខ្លាំង របស់ដែលនៅក្នុងពោះរបស់នាងមើលទៅគួរអោយខ្ពើម គ្រូពេទ្យត្រូវបង្ខំចិត្តអោយក្មេងស្រីខាងលើវះកាត់ចេញជាបន្ទាន់ដើម្បីយកដុំដែលនៅក្នុងពោះក្មេងស្រីរងគ្រោះចេញ។​

ពេលដែលគ្រូពេទ្យកំពុងតែវះកាត់ ក្រុមគ្រូពេទ្យមានការភ្ញាក់ផ្អើលយ៉ាងខ្លាំង របស់ដែលនៅក្នុងពោះរបស់នាងគឺជាដុំសក់។ ដុំសក់នោះត្រូវបានគ្រូពេទ្យវះកាត់យកចេញពីពោះរបស់នាងបានជោគជ័យ ហើយដុំសក់ខាងលើមានទម្ងន់២គីឡូ។ ពេលនេះក្មេងស្រីរងគ្រោះបានចាប់ផ្ដើមធូរស្រាលខ្លះហើយបន្ទាប់ពីទទួលការវះកាត់បានជោគជ័យ។

បុត្រ

ខ្មែរណូត

ប្រភព៖ Mirror

COMMENTS