West Ham ចង់បាន Benzema មែនទែនហើយដល់ថ្នាក់ត្រៀមលុយជិត 60លានផោន សម្រាប់ការដេញថ្លៃ Benzema

ក្លឹបញញួរយក្ស West Ham United អាចនឹងធ្វើអោយក្លឹបជាច្រើនភ្ញាក់ផ្អើលនៅក្នុងពេលទីផ្សារដោះដូរកីឡាកររដូវក្ដៅខាងមុខនេះ បន្ទាប់ក្លឹបអង់គ្លេសមួយនេះត្រៀមលុយ 53លានផោន សម្រាប់ការដេញថ្លៃខ្សែប្រយុទ្ធ Karim Benzema ពីក្លឹបអធិរាជសរ Real Madrid។

ខ្សែប្រយុទ្ធ Benzema អាចចាកចេញពីក្លឹបអធិរាជសរ Real Madrid នៅរដូវក្តៅនេះ បន្ទាប់ពីរូបគេមានការខកចិត្តចំពោះអ្នកគាំទ្រដែលតែងតែរិះគន់គេ ជាពិសេសនៅពេលដែលរូបគេធ្លាក់ទំរង់លេង។ ខ្សែប្រយុទ្ធសញ្ជាតិបារាំងរូបនេះត្រូវបានក្លឹបអធិរាជសរ Real Madrid ដាក់លក់ក្នុងតម្លៃផ្ទេរ 53លានផោន ប្រសិនបើមានក្លឹបណាមានចំណាប់អារម្មណ៍ចង់បានរូបគេនៅក្នុងរដូវក្ដៅខាងមុខនេះ។

ពេលនេះមិនទាន់មានក្លឹបណាមួយមានបំណងចង់បានខ្សែប្រយុទ្ធរូបនេះនៅឡើយទេ ប៉ុន្ដែយោងតាមការរាយការណ៍របស់កាសែតមួយបានចុះផ្សាយអោយដឹងថា៖ ក្លឹបញញួរយក្ស West Ham United កំពុងមានចំណាប់អារម្មណ៍ក្នុងការនាំយកខ្សែប្រយុទ្ធសញ្ជាតិបារាំងរូបនេះ។ ហើយ West Ham United នឹងត្រៀមលុយ 53លានផោន សម្រាប់ការដេញថ្លៃ Benzema នៅក្នុងរដូវក្ដៅខាងមុខនេះ។

បុត្រ

ប្រភព៖ Goal