នោះ Man City កំពុងរៀបចំគម្រោងប្លន់ខ្សែបម្រើ Lemar ពី Arsenal និង Liverpool ហើយ

យោងតាមសារពត៌មាន Telegraph បានចុះផ្សាយអោយដឹងថា៖ ក្លឹបមេឃខៀវ Manchester City កំពុងរៀបចំផែនការប្លន់ក្ដីសង្ឃឹមរបស់ក្លឹបហង្សក្រហម Liverpool និងក្លឹបកាំភ្លើងធំ Arsenal ក្នុងការចុះហត្ថលេខាទិញខ្សែបម្រើស្លាប Thomas Lemar ពីក្លឹប AS Monaco។

ក្លឹបកាំភ្លើងធំ Arsenal និងក្លឹបហង្សក្រហម Liverpool មានទំនាក់ទំនងនិងចង់បានខ្សែបម្រើស្លាប Thomas Lemar កាលពីដើមរដូវកាលនេះមកម្លេះ ប៉ុន្ដែការដេញថ្លៃរបស់ក្លឹបទាំងពីរបរាជ័យដោយសារតែក្លឹប AS Monaco បដិសេធសំណើររបស់ក្លឹបទាំងពីរនេះ។ នៅក្នុងទីផ្សារដោះដូរកីឡាកររដូវក្ដៅខាងមុខនេះ Arsenal និង Liverpool នឹងប្រជែងគ្នាដណ្ដើម Lemar ពី Monaco ម្ដងទៀត ទោះបីជា Monaco ធ្លាប់បដិសេធសំណើររបស់ក្លឹបទាំងពីរនេះក៏ដោយ។

កាលពីពេលថ្មីៗនេះ លោក Pep Guardiola ដែលជាគ្រូបង្វឹករបស់ក្លឹបមេឃខៀវ Manchester City ក៏ចាប់អារម្មណ៍ខ្សែបម្រើស្លាប Thomas Lemar នេះដូចគ្នា។ ការងាកមករកខ្សែបម្រើសញ្ជាតិបារាំងរូបនេះ បន្ទាប់ពីលោក Pep បរាជ័យក្នុងការទិញខ្សែបម្រើប្រយុទ្ធ Alexis Sanchez និងខ្សែបម្រើ Riyad Mahrez កាលពីទីផ្សារដោះដូរកីឡាកររដូវរងារកន្លងទៅ។ ពេលនេះក្លឹបមេឃខៀវ Manchester City កំពុងត្រៀមប្រជែងគ្នាជាមួយនឹង Liverpool និង Arsenal ដើម្បីដណ្ដើម Thomas Lemar ពីក្លឹប AS Monaco នៅក្នុងដើមរដូវកាលក្រោយនេះ។

បុត្រ

ប្រភព៖ Goal