ភ្លុកដំរីជាង៧តោន ដែលមានតម្លៃជា៩លានដុល្លារ ត្រូវប៉ូលីសហុងកុងរឹបអូសបាន

ហុងកុង៖ កាលពីថ្ងៃអង្គារកន្លងទៅ អាជ្ញាធររបស់ទីក្រុងហុងកុងបានរឹបអូសបានភ្លុកដំរីចំនួន៧.២តោន ដែលលាក់ទុកនៅក្នុងធុងកុងតឺន័រមួយដោយរុំភ្ជាប់ជាមួយត្រីកកនៅក្នុងចក្រ Kowloon ទីក្រុងហុងកុង។ ករណីរត់ពន្ធភ្លុកដំរីនេះ គឺជាករណីរត់ពន្ធធំជាងគេនៅក្នុងរយៈពេល៣០ឆ្នាំចុងក្រោយនេះ។ ប៉ូលីសបានធ្វើការឃាត់ខ្លួនបុរសម្នាក់និងស្រ្ដីពីរនាក់ដែលគ្រោងរត់ពន្ធភ្លុកដំរីនេះចេញទៅលក់នៅក្នុងប្រទេសចិននិងប្រទេសម៉ាឡេស៊ី ដែលប៉ូលីសប៉ានប្រមាណថាភ្លុកដំរីនោះមានតម្លៃដល់ទៅ ៩.២លានដុល្លារ។

អ្នករត់ពន្ធទាំងបីនាក់នោះ អាចនឹងត្រូវប្រឈមមុខជាប់ពន្ធនាគាររយៈពេល២ឆ្នាំនិងត្រូវពិន័យជាប្រាក់ប្រមាណជា ៦៤០ពាន់ដុល្លារ។ ជារៀងរាល់ឆ្នាំ តាមការប៉ានប្រមាណមើលបានអោយដឹងថា ដំរីប្រមាណជាង៣០០០០ក្បាលត្រូវបានសម្លាប់រៀងរាល់ឆ្នាំដើម្បីយកភ្លុករបស់ដំរីមកជួញដូរខុសច្បាប់។

បុត្រ

ប្រភព៖ Shanghaiist

COMMENTS