OnePlus 5 មានបញ្ហាជាមួយនឹងការបង្ហាញរូបភាពទៀតហើយ ចំណែកឯការបកស្រាយរបស់ក្រុមហ៊ុនវិញ ធានាថាធ្វើឲ្យអ្នកក្ដៅឆេវតែម្ដង

ជាការពិតណាស់ ក្រុមហ៊ុន OnePlus ដែលគេស្គាល់ថាជាក្រុមហ៊ុនផលិតស្មាតហ្វូនដ៏ធំមួយដែរ ត្រូវបានទទួលរងការរិះគន់ជាខ្លាំងក្រោយពេលប្រកាសចេញលក់ម៉ូដែលកំពូល OnePlus 5 ខ្លួន។ ដំបូងឡើយ គឺម៉ូដែលនេះមានរូបរាងស្រដៀងទៅនឹង iPhone បន្ទាប់មកមិនទទួលស្គាល់លើការចោទប្រកាន់នានា ជាមួយនឹងបញ្ហាកាមេរ៉ា ហើយថ្មីៗនេះលេចលឺដំណឹងថាមានបញ្ហាជាមួយនឹងការបង្ហាញរូបភាពទៀត ដែលនេះគឺជាការលើកឡើងរបស់អតិថិជន។

គួរបញ្ជាក់ផងដែរថា ការបង្ហោះនានាដែលទាក់ទងទៅនឹងម៉ូដែល OnePlus 5 គឺផ្ដោតសំខាន់ទៅលើការបង្ហាញរូបភាព ដែលយើងសង្កេតឃើញថាបន្ទះបង្ហាញរូបភាពនោះគឺមានសភាពទ្រ​លប់​ចុះក្រោម។ ដូចនេះ វាបានធ្វើឲ្យមនុស្សជាច្រើនយល់ឃើញថា នេះហើយជាមូលហេតុដែលនាំឲ្យមាន Jelly scrolling effect ដែលពេលអ្នកអូសអេក្រង់ឡើងលើ រឺចុះក្រោមវាមានសភាពរលោងៗ រអឹលៗ ដូចទៅនឹងចាហួយអញ្ចឹង។

លើសពីនេះទៅទៀត developer SultanXDA បានធ្វើការគាស់កកាយទៅកាន់ផ្នែកខាងក្នុងនៃម៉ូដែលនេះ ដោយរកឃើញថា កូដដែលគ្រប់គ្រងទៅលើការបង្ហាញរូបភាពនេះ អាចតំរង់ទិសបាន 180ដឺក្រេ។ គាន់បានបន្ថែមថា នេះគឺជាលើកទីមួយហើយដែលគាត់បានរកឃើញកូដបែបនេះនៅលើស្មាតហ្វូន។ មិនតែប៉ុណ្ណោះ developer ផ្សេងទៀតក្រៅពី XDA ក៏បានរកឃើញនូវភស្ដុតាងមួយចំនួនដើម្បីបញ្ជាក់បន្ថែមដែរ។ បើប្រៀបធៀបទៅនឹងម៉ូដែល OnePlus 3T ម៉ូដែល OnePlus 5 គឺមានម៉ាទ្រីសនៃការបង្ហាញរូបភាពបញ្ច្រាស ដូចនេះប្រសិនបើអ្នកដំណើរការកូដរបស់ 3T នោះអេក្រង់នឹងដើរបញ្ច្រាសមិនខាន។

ដោយឡែក ទាក់ទងទៅនឹង Jelly scrolling effect វិញ បើទោះជាវាមិនមែនជាបញ្ហាធំ តែវាក៏ធ្វើឲ្យមនុស្សជាច្រើនមានការមិនពេញចិត្តដែរ។ យ៉ាងណាមិញ សូមទស្សនាវីដេអូខាងក្រោម៖

យោងតាមក្រុមហ៊ុន OnePlus ទាក់ទងទៅនឹង Jelly scrolling effect គឺត្រូវបានក្រុមហ៊ុនហៅថា “natural (ធម្មជាតិ)”។ ទោះជាយ៉ាងណា effect នេះគឺមិនប៉ះពាល់ដល់គ្រប់ម៉ូដែលទាំងអស់នោះទេ ហើយសម្រាប់ OnePlus 5 គឺមានបំពាក់ដោយអេក្រង់គុណភាពខ្ពស់ប្រភេទ Optic AMOLED។

ទោះជាយ៉ាងណា ក្រុមហ៊ុន OnePlus បានពន្យល់ពីមូលហេតុ ទាក់ទងទៅនឹងការសម្រេចចិត្តដាក់ការបង្ហាញរូបភាពទ្រ​លប់​ចុះក្រោមបែបនេះថា នេះមិនមែនជាកំហុសបច្ចេកទេស រឺបញ្ហាជាមួយ Software ឡើយ។ ជំនួសមកវិញ ការដាក់បញ្ច្រាសនេះគឺជាការសម្រេចចិត្តរបស់ក្រុមវិស្វករ ដែលសម្រាប់មូលហេតុយើងមិនអាចជម្រាបបានឡើយ។

ទាក់ទងទៅនឹងបញ្ហានេះដែរ គឺធ្លាប់កើតមានឡើងលើម៉ូដែល Galaxy S4 របស់ក្រុមហ៊ុន Samsung ដែលភ្ជាប់មកជាមួយនឹងបញ្ហានៃការអូស ប៉ះលើអេក្រង់ពេលប្រើពន្លឺទាប ព្រោះកាលណាបន្ទះ Pixel បរាជ័យក្នុងការបញ្ចេញពន្លឺ នោះគ្រាប់ Pixel ពណ៌ខ្មៅនឹងដំណើរលឿន ហើយជាហេតុបណ្ដាលឲ្យការអូសមានសភាពទាក់ៗ។

យ៉ាងណាមិញ សម្រាប់ OnePlus 5 គឺអាចនឹងដូចគ្នា។ មនុស្សជាច្រើននៅតែមិនអស់ចិត្តទាក់ទងទៅនឹងអេក្រង់របស់ម៉ូដែលនេះ។ លើសពីនេះទៅទៀត អតិថិជនបានរំពឹងថា ប្រសិនបើក្រុមហ៊ុនធ្វើការលុបចោលនូវកូដនេះ បញ្ហានឹងត្រូវបានដោះស្រាយ។ ប៉ុន្ដែ យើងពុំទាន់ទទួលបានការបញ្ជាក់ រឺដំណោះស្រាយណាមួយពីក្រុមហ៊ុនឡើយ។

Fu

ខ្មែរណូត

ប្រភព៖ technobuffalo

COMMENTS