កក្រើកទៀតហើយលើសង្វានប្រកួតប្រដាល់គុណខ្មែរ លក្ខណៈមិត្តភាពជាតិ និងអន្តរជាតិ ក្នុងការប្រកួត GANZBERG UBER Fighter

កាលពីថ្ងៃសុក្រ ទី០២ ដើមខែមិនានេះ​ នៅស្ថានីយន៍ទូរទស្សន៍ MYTV បានរៀបចំការប្រកួតប្រដាល់គុណខ្មែរលក្ខណៈមិត្តភាពជាតិនិងអន្តរជាតិ ៤គូ ដែលសុទ្ធតែជាជើងខ្លាំងប៉ះគ្នាលើសង្វានប្រកួត GANZBERB UBER Fighter។​

គូពិសេសទី១ គឺជំនួបសងសឹករវាង បង្គោលខៀវ ខាំ វណ្ណៈ សុំជួបសងសឹកនឹង បង្គោលក្រហម ពទ្ធ​ ព្រហស្បតិ៍ ដែលការសងសឹករបស់ ខាំ វណ្ណៈ គឺបានសម្រេចពិតមែនដោយយកឈ្នះ ពុទ្ធ ព្រហស្បតិ៍ ដោយពិន្ទុ។



គូអន្តរជាតិដែលធ្វើអោយកក្រើសង្វានដំបូងគេ នោះគឺជំនួបរវាង បង្គោលក្រហម ធន់ មករា ប៉ះជាមួយនឹង បង្គោលខៀវ Phou Takvan។ ការប្រកួតគូនេះពិតជាស្វិតស្វាញមែនទែន ដោយ ធន់ មករា វាយរហូត Takvan ដួលក្នុងទឹកទី៣ ម្តងរួចមកហើយ ប៉ុន្តែ Takvan នៅអាចបន្តការប្រកួតបាន ហើយវាយបកមក មករា វិញរហូតបញ្ចប់ការប្រកួតដោយ Takvan យកឈ្នះ មករា ដោយលទ្ធផលមិនឯកច្ឆ័ន្ទ។




ចូលមកដល់គូពិសេសជាតិ ទី៣ រវាងជំនួបកីឡាករបង្គោលក្រហម ថាន់ ប៊ុនរ៉ុង និងកីឡាករបង្គោលខៀវ សេក គឹមសាន្ត ដោយ សេក​ គឺមសាន្ត វាយ ថាន់ ប៊ុនរ៉ុង អោយសន្លប់ក្នុងទឹកទី២ មិនអាចនបន្តការបក្រួតបាន។



គូពិសេសចុងក្រោយទម្ងន់ ៨២ គីឡូក្រាម គឺជំនួបរវាង អុង ភារាក់ ប៉ះជាមួយកីឡាករជើងខ្លាំងថៃ Veitan Ayong Yim ដោយនៅក្នុងទឹកទី១ កីឡាករទាំង ២ ហាក់ដូចមិនសូវហ៊ានចូលវាយគ្នាប៉ុន្មាននោះទេ ប៉ុន្តែពេលចូលមកដល់ទឹកទី២ ទើប Veitan Ayong Yim សម្រេចចិត្តចូលវាយ អុង ភារាក់ តែភ្លាត់ស្នាតក៏ត្រូវ អុង ភារាក់ វាយសន្លប់ក្នុងទឹកទី២ នោះតែម្តងដោយមិនអាចបន្តការប្រកួតទៀតនោះទេ។



គួរបញ្ជាក់ផងដែរថា ថ្មីៗនេះយើងឃើញក្រុមហ៊ុនស្រាបៀរ GANZBERG ហាក់ដូចជាចូលរួមលើកស្ទួយវិស័យកីឡាច្រើន ជាពិសេសគឺ កីឡាបាល់ទាត់ ដែល​ក្រុមហ៊ុន GANZBERG ក៏មានការប្រកួត GANZBER CUP រដូវកាលទី៣ ហើយជាមួយនឹងការប្រកួតប្រដាល់ GANZBERG UBER Fighter នេះជាដើម។