ក្លឹបសេះបង្កង់ Juventus កំណត់ថ្ងៃផ្ទេរខ្សែបម្រើ Emre Can ហើយក្រោយពេលជួបជាមួយនឹងអ្នកតំណាងរបស់កីឡាកររូបនេះ

ក្លឹបសេះបង្កង់ Juventus នឹងជួបជាមួយតំណាងរបស់ខ្សែបម្រើ Emre Can នៅសប្តាហ៍នេះហើយក្លឹបនឹងមិនរង់ចាំយូរទៀតសម្រាប់ការចុះហត្ថលេខានាំយកខ្សែបម្រើសញ្ជាតិអាឡឺម៉ង់រូបនេះ។

កុងត្រារបស់ខ្សែបម្រើ Emre Can ជាមួយនឹងក្លឹបហង្សក្រហម Liverpool នឹងបញ្ចប់នៅក្នុងពេលបញ្ចប់រដូវកាលនេះ ដូចគ្នានឹងការបញ្ចប់កុងត្រាថ្មីនេះខ្សែបម្រើសញ្ជាតិអាឡឺម៉ង់រូបនេះនឹងមិនបន្ដកុងត្រាថ្មីជាមួយនឹងក្លឹបហង្សក្រហម Liverpool ឡើយ។ ហើយពេលនេះខ្សែបម្រើ Emre Can កំពុងមានទំនាក់ទំនងខ្លាំងមែនទែនជាមួយនឹងក្លឹបសេះបង្កង់ Juventus ខណៈដែលក្លឹប Juventus កំពុងរៀបចំបែបបទចុះហត្ថលេខាផ្ទេរខ្សែបម្រើរូបនេះតែម្ដង។ ការអត់ធ្មត់របស់ក្លឹបសេះបង្កង់ Juventus ជាមួយនឹងក្លឹបធំៗនៅក្នុងលីគកំពូល​ Premier League ឈានដល់ការបញ្ចប់ហើយ ក្រោយពេលក្លឹបធំៗជាច្រើនមិនសូវគោរពតាមពាក្យសម្ដីរបស់ខ្លួន ទើបធ្វើអោយ Juventus សម្រេចចុះហត្ថលេខាភ្លាមៗជាមួយនឹងខ្សែបម្រើ Emre Can នេះតែម្ដង។

បុត្រ

ប្រភព៖ Goal