រន្ធត់ណាស់ ! អគារខុនដូដ៏ទំនើបមួយជិតដាក់អោយប្រើប្រាស់ទៅហើយ បែរជាត្រូវអគ្គីភ័យលេបត្របាក់អស់ក្នុងរយៈពេលតែប៉ុន្មានម៉ោង

ប្រទេសចិន ៖ ក្នុងរដូវធ្លាក់ខ្យល់បែបនេះអ្វីដែលគួរអោយបារម្ភបំផុតគឺអគ្គីភ័យឆាបឆេះតែម្តង ព្រោះក្នុងខែនេះវាងាយស្រួលក្នុងការមានអគ្គីភ័យកើតឡើងខ្លាំងណាស់។ ប្រភពព័ត៌មានចិនបានរាយការណ៍ពីករណីដ៏រន្ធត់មួយ ដែល​ខុនដូទំនើបដ៏ធំមួយត្រូវបានអគ្គីភ័យឆាបឆេះយ៉ាងសន្ធោរសន្ធៅ។ អគ្គីភ័យដែលបានឆាបឆេះអគារខុនដូដ៏ធំនៅក្នុងខេត្ត Hebei នេះត្រូវបានមនុស្សជាច្រើនចាប់អារម្មណ៍ជាពិសេសអ្នកប្រ់ើប្រាស់បណ្តាញសង្គមតែម្តង វីដេអូអគ្គី​ភ័យ​នេះត្រូវបានគេបង្ហោះពេញបណ្តាញសង្គម។

តាមរយៈវីដេអូនេះបានអោយដឹងថាអគ្គីភ័យនេះត្រូវបានឆាបឆេះរាលដាលពីជាន់ក្រោមបង្អស់ទៅជាន់លើក្នុងរយៈពេលដ៏ខ្លី ក្រុមអ្នកសង្រ្គោះប្រើប្រាស់ពេលវេលាអស់យ៉ាងយូរទើបអាចគ្រប់គ្រងវាបាន។ បើទោះបីជាអគ្គីភ័យនេះត្រូវ​បានឆាបឆេះយ៉ាងខ្លាំងក៏ដោយ តែប្រភពបានបង្ហាញថាមិនមានអ្នកណាម្នាក់មានគ្រោះថ្នាក់ដល់ជីវិតក្នុងហេតុការណ៍នេះនោះទេ មានតែអ្នករងរបួសសើរស្បែកតិចតូចតែប៉ុណ្ណោះ​។ តែអ្វីដែលគួរអោយស្តាយនោះគឺអគារ​ខុន​ដូទំ​នើបដ៏ធំនេះជិតនឹងត្រូវបានបញ្ចប់គម្រោងហើយដាក់អោយប្រើប្រាស់ទៅហើយ គេព្យាករណ៍ការខូចខាតដោយសារតែអគ្គីភ័យមួយនេះគិតជាប្រាក់ប្រហែលជាជាង ៣០០,០០០ដុល្លារអាមេរិក។ តាមការពិនិត្យមើលបានអោយដឹងថាផ្នែកខាងក្នុងរបស់អគារត្រូវបានខូចខាតទាំងស្រុងតែម្តង ពេលនេះប៉ូលីសក៏កំពុងតែស៊ើបអង្កេតពីករណីដែលនាំអោយមានអគ្គីភ័យនេះកើតឡើងដែរ៕
ខាងក្រោមជាវីដេអូ តោះទស្សនាទាំងអស់គ្នា ៖

ប្រភព ៖ sanook

COMMENTS