Kevin De Bruyne ត្រលប់មកហ្វឹកហាត់ជាមួយនឹង Man City វិញហើយបន្ទាប់ពីជាសះស្បើយពីរបួស

ខ្សែបម្រើ Kevin De Bruyne បានវិលត្រលប់មកហ្វឹកហាត់នៅឯក្លឹបមេឃខៀវ Manchester City វិញហើយ បន្ទាប់ពិខ្សែបម្រើរូបនេះទើបតែជាសះស្បើយពីរបួសរហែកសរសៃពួរកាលពីពាក់កណ្ដាលខែសីហាកន្លងទៅ។

ខ្សែបម្រើសញ្ជាតិប៊ែលហ្ស៊ិកដែលជួយឲ្យក្រុមជម្រើសជាតិប៊ែលហ្ស៊ិកជាប់ចំណាត់ថ្នាក់លេខ 3 នៅក្នុងការប្រកួតពានរង្វាន់បាល់ទាត់ពិភពលោក FIFA World Cup នៅប្រទេសរុស្សីកន្លងទៅនោះ បានទទួលរងការឈឺចាប់យ៉ាងខ្លាំងក្នុងកំឡុងពេលហ្វឹកហាត់ជាមួយនឹងក្លឹបមេឃខៀវ Manchester City ហើយបន្ទាប់ពីពិនិត្យរបួសគ្រូពេទ្យបានប្រាប់ឲ្យដឹងថាខ្សែបម្រើរូបនេះមានរបួសរហែកសរសៃពួរដែលជាហេតុធ្វើឲ្យ De Bruyne នឹងអវត្តមានជាមួយនឹងក្លឹបមេឃខៀវ Manchester City អស់ជាច្រើនសប្ដាហ៍។

ទោះបីជាខ្សែបម្រើ Kevin De Bruyne ជាសះស្បើយពីរបួសហើយត្រលប់មកហ្វឹកហាត់ជាមួយនឹងក្លឹប Manchester City មែនពិត ប៉ុន្ដែខ្សែបម្រើរូបនេះត្រូវបានគេរំពឹងទុកថាអាចនឹងមិនបានបង្ហាញខ្លួននៅក្នុងការប្រកួតពានរង្វាន់ UEFA Champion League ទេនៅក្នុងយប់នេះ ប៉ុន្ដែ De Bruyne នឹងបង្ហាញខ្លួនសារជាថ្មីជាមួយនឹងក្លឹបមេឃខៀវ Manchester City នៅក្នុងជំនួបរវាង Man City និង Liverpool នៅក្នុងសប្ដាហ៍នេះ។

បុត្រ

ប្រភព៖ Goal