ស្ត្រីម្នាក់ជំនាញឆបោកតាមឆាតរឿងផ្ញើឥវ៉ាន់ពីស្រុកក្រៅត្រូវសមត្ថកិច្ចឃាត់ខ្លួន

ភ្នំពេញ៖ សមត្ថកិច្ចបានធ្វើការឃាត់ខ្លួនស្ត្រីជនសង្ស័យម្នាក់បន្ទាប់ពីទទួលបានពាក្យបណ្តឹងពីជនរងគ្រោះពាក់ព័​ន្ធនឹងករណីឆបោកតាមទូរស័ព្ទ ដែលការឃាត់ខ្លួននេះបានធ្វើឡើងកាលពីវេលាម៉ោង៦និង៥៤នាទីល្ងាច ថ្ងៃទី២៨ ខែតុលា ឆ្នាំ២០១៧ នៅក្នុងបូរីពិភពថ្មី ស្ថិតក្នុងសង្កាត់បង្កោ ខណ្ឌដង្កោ។

ប្រភពពត៌មានពីស្ត្រីរងគ្រោះបានអោយដឹងថា កាលពីថ្ងៃទី២៦​ ខែតុលា ជនសង្ស័យនិងជនរងគ្រោះបានទំនាក់ទំនងគ្នាតាមឆាតដោយជនសង្ស័យអោយជនរងគ្រោះផ្ញើលុយអោយចំនួន២០០ដុល្លារដើម្បីទទួលឥវ៉ាន់ដែលគេផ្ញើមកពីស្រុកក្រៅ លុះពេលជនរងគ្រោះផ្ញើអោយ២០០ដុល្លារហើយ ជនសង្ស័យបានប្រាប់អោយជនរងគ្រោះផ្ញើលុយអផយ៨០០ដុល្លារទៀតទើបទទួលឥវ៉ាន់បាន ហើយជនរងគ្រោះមានការសង្ស័យថាខ្លួនត្រូវបានគេបោកប្រាស់ក៏ទៅដាក់ពាក្យបណ្តឹងអោយសមត្ថកិច្ចជួយស្រាវជ្រាវចាប់ខ្លួនជនសង្ស័យតែម្តង។ ជនសង្ស័យខាងលើមានឈ្មោះ គុណ មករា ភេទស្រី អាយុ២៤ឆ្នាំ មុខរបរមិនពិតប្រាកដ ស្នាកនៅបូរីពិភពថ្មី សង្កាត់ដង្កោ ខណ្ឌដង្កោ ចំណែកស្ត្រីរងគ្រោះមានឈ្មោះ សូត្រ សុផារី ភេទស្រី អាយុ២៩ឆ្នាំ ស្នាក់នៅភូមិបាយ៉ាប សង្កាត់ភ្នំពេញថ្មី។

បច្ចុប្បន្នជនសង្ស័យខាងលើត្រូវបានសមត្ថកិច្ចធ្វើការឃុំខ្លួនបណ្តោះអាសន្នដើម្បីធ្វើការសាកសួរបន្ថែម និងកសាងសំនុំរឿងចាត់ការតាមផ្លូវច្បាប់៕

 

COMMENTS