សាហាវណាស់! នាំសង្សារដែលស្គាល់គ្នាតាមទូរស័ព្ទទៅអោយមិត្តភក្តិ៥នាក់រំលោភបានសម្រេចម្នាក់៣ដងទើបនារីរងគ្រោះទៅប្តឹងសមត្ថកិច្ច

កណ្តាល៖ សមត្ថកិច្ចបានធ្វើការឃាត់ខ្លួនជនសង្ស័យ២នាក់ក្នុងចំណោម៥នាក់ដែលបានធ្វើសកម្មភាពរំលោភបូកលើនារីម្នាក់ដែលជាមនុស្សស្គាល់គ្នាតាមទូរស័ព្ទ ដែលការឃាត់ខ្លួននេះបានធ្វើឡើងនៅព្រឹកថ្ងៃទី២៧ ខែតុលា ឆ្នាំ២០១៧នេះ នៅចំណុចភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល។

ប្រភពពត៌មានពីនារីរងគ្រោះបានអោយដឹងថា នាងបានស្គាល់គ្នាជាមួយជនសង្ស័យម្នាក់ឈ្មោះ សេង នៅ ហៅណាក់ តាមទូរស័ព្ទនិងមានទំនាក់ទំនងស្រលាញ់គ្នា រហូតដល់ថ្ងៃទី២១ ខែតុលា ឆ្នាំ២០១៧ ឈ្មោះ សេង នៅ បានទៅឌុបនារីរងគ្រោះពីស្ទឹងមានជ័យនាំទៅផ្ទះមួយកន្លែងដែលគ្មានមនុស្សនៅស្ថិតក្នុងភូមិភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ដោយជនសង្ស័យមានគ្នា៥នាក់នាំគ្នាជក់គ្រឿងញៀនរួចនាំគ្នារំលោភនារីរងគ្រោះម្នាក់ម្តងៗបានសម្រេច និងថ្ងៃទី២២ និងថ្ងៃទី២៦ ខែតុលា ជនសង្ស័យទាំង៥នាក់បានធ្វើសកម្មភាពរំលោភជនរងគ្រោះបានសម្រេចម្នាក់ម្តងៗទៀត ទើបនារីរងគ្រោះមកដាក់ពាក្យបណ្តឹងអោយសមត្ថកិច្ចចាប់ខ្លួនក្រុមជនសង្ស័យបាន២នាក់ រីឯ៣នាក់ទៀតនាំគ្នារត់គេចខ្លួនអស់។ ជនសង្ស័យ២នាក់ដែលសមត្ថកិច្ចធ្វើការឃាត់ខ្លួនមានឈ្មោះ ថុន ឈុនលី អាយុ១៧ឆ្នាំ មុខរបរអ្នកបើកបរអ្នករថយន្តដឹកគ្រឿងសំណង់ (ឃាត់ខ្លួន) និងឈ្មោះ ឡូ សិលា ហៅពៅ អាយុ២៤ឆ្នាំ មុខរបរកម្មករសំណង់ ស្នាក់នៅក្នុងភូមិឃុំជាមួយគ្នា (ឃាត់ខ្លួន) ចំណែកជនសង្ស័យ៣នាក់ទៀតដែលរត់គេចខ្លួនមានឈ្មោះ សេង នៅ ហៅណាក់ អាយុ២១ឆ្នាំ មុខរបរកសិករ (ជាគូស្នេហ៍របស់នារីរងគ្រោះ), ឈ្មោះ ទូច រ័ត្ន ភេទប្រុស អាយុ២២ឆ្នាំ មុខរបរកសិករ និងឈ្មោះ ព្រិល ម៉ូ អាយុ១៧ឆ្នាំ រស់នៅក្នុងភូមិឃុំកើតហេតុជាមួយគ្នា។

បច្ចប្បន្នជនសង្ស័យទាំង២នាក់ដែលសមត្ថកិច្ចឃាត់ខ្លួន ត្រូវបានសមត្ថកិច្ចបញ្ជូនទៅកាន់អធិការដ្ឋាននគរបាលស្រុកខ្សាច់កណ្តាលដើម្បីធ្វើការសាកសួរបន្ថែម និងស្រាវជ្រាវរកជនសង្ស័យ៣នាក់មកផ្តន្ទាទោសតាមច្បាប់៕

COMMENTS