រន្ធត់ណាស់ ! ស្រ្តីបំរើការនៅលើយន្តហោះម្នាក់ត្រូវបានធ្លាក់ចុះតាមទ្វាខាងក្រោយរបស់យន្តហោះ ខណៈពេលដែលយន្តហោះកំពុងហោះឡើងបានកម្ពស់ជាង២ម៉ែត្រ

ប្រទេសចិន ៖ យន្តហោះជាមធ្យោបាយធ្វើដំណើរមួយដែលមានល្បឿនលឿន គេតែងតែប្រើប្រាស់វានៅពេលដែលធ្វើដំណើរទៅតំបន់ឆ្ងាយៗ រឺពីប្រទេសមួយទៅប្រទេសមួយទៀត។ ប្រភពព័ត៌មានចិនបានរាយការណ៍ពីករណីដ៏រន្ធត់មួយ ដែលស្រ្តីអ្នកបំរើការលើយន្តហោះម្នាក់បានភ្លាត់ធ្លាក់ពីលើយន្តហោះតាមទ្វាក្រោយ។ បើតាមប្រភពដដែលបានអោយដឹងថារឿងរ៉ាវដ៏អាក្រក់នេះបានកើតឡើងកាលពីថ្ងៃទី២៣ ខែតុលា ឆ្នាំ២០១៧ ព្រលានយន្តហោះអន្តរជាតិ Shenzhen Bao’an នាខេត្តក្វាងទុង។

រឿងហេតុដ៏អាក្រក់មួយនេះបានកើតឡើងខណៈពេលដែលយន្តហោះចាប់ផ្តើមហោះឡើងទៅលើបានកម្ពស់ជាង២ម៉ែត្រទៅហើយ ទ្វារខាងក្រោយរបស់យន្តហោះស្រាប់តែមានបញ្ហា​ស្រ្តីបំរើការម្នាក់ក៏បានភ្លាត់ជើងធ្លាក់តាមនោះចុះមកក្រោម។ បន្ទាប់ពីការហេតុការណ៍នេះបានកើតឡើងយន្តហោះត្រូវបានបង្ខំចិត្តបញ្ឈប់ការហោះហើរភ្លាមៗ ស្រ្តីម្នាក់នេះត្រូវាបានគេបញ្ជូនទៅកាន់មន្ទីពេទ្យដើម្បីព្យាបាល តែបើតាមរយៈការសង្គ្រោះបឋមបានអោយដឹងថានាងរងរបួសបាក់ឆ្អឹងនិង រលាត់ស្បែកលើរាងកាយ។ បនញទាប់ពីគ្រោះថ្នាក់ចៃដន្យមួយនេះធ្វើអោយយន្តហោះដែលគ្រោងដែលនឹងចេញដំណើរនៅម៉ោង១២ៈ៤៥នាទី ត្រូវបានពន្យាទៅហោះហើរ ១៤ៈ៣៣នាទីទៅវិញ។ នៅពេលនេះក្រុមប៉ូលិសកំពុងធ្វើការងារស៊ើបអង្កេតទៅលើជុំវិញករណីដែលធ្វើអោយស្រ្តីជាអ្នកបំរើការយន្តហោះនេះត្រូវធ្លាក់ពីលើយន្តហោះ ជាគ្រោះថ្នាក់ចៃដន្យរឺយ៉ាងណា៕
ខាងក្រោមជាវីដេអូ តោះទស្សនាទាំងអស់គ្នា ៖


ប្រភព ៖ sanook

COMMENTS