ឃើញតូចមែន តែកុំមើលងាយ! នេះគឺជា microSD របស់ក្រុមហ៊ុន SanDisk ដែលមានទំហំរហូតដល់ទៅ 400GB និងល្បឿន 160MB/s

កាលពីពេលថ្មីៗនេះ ក្រុមហ៊ុន SanDisk  បានដាក់បង្ហាញផលិតផល microSDXC card ថ្មីរបស់ខ្លួនដែលមានទំហំផ្ទុករហូតដល់ទៅ 400GB ឯណោះ ជាមួយនឹងល្បឿន 160MB/s។ យោងតាមសមត្ថភាពប៉ុណ្ណេះ microSD card ថ្មីរបស់ក្រុមហ៊ុន SanDisk នេះអាចចាត់ទុកថាជា microSD card ប្រភេទ  UHS-I ដែលលឿនជាងគេលើពិភពលោកហើយ។

ទោះជាយ៉ាងណា 400GB SanDisk Extreme UHS-I microSDXC card គឺជាជម្រើសល្អបំផុតសម្រាប់អ្នកដែលត្រូវការអង្គផ្ទុកទិន្នន័យធំ និងដំណើរការលឿន។ ជាពិសេស សម្រាប់អ្នកប្រើប្រាស់ Drone ដែលអាចថតវីដេអូបានក្នុងកម្រឹត 4K គឺល្អបំផុតតែម្ដង។ អ្វីដែលអស្ចារ្យបំផុតនោះគឺ Memory នេះមានសមត្ថភាពធ្វើការបានលឿនជាង Memory Extreme UHS-I ផ្សេងទៀតរហូតដល់ទៅ 50% ឯណោះ។ ក្រៅពីល្បឿន 400GB SanDisk Extreme UHS-I ក៏មានភ្ជាប់មកជាមួយនឹងមុខងារការពារផងដែរ ពោលគឺប្រសិនបើអ្នកច្រលំដៃលុបឯកសារអ្វីមួយក្នុងនោះចោល អ្នកក៏នៅតែអាចមានឱកាសទទួលបានវាមកវិញដែរ។

Fu

ប្រភព៖ slashgear