ស្រោមអនាម័យក្លែងក្លាយរាប់លានស្រោមកំពុងវាយលុកទីផ្សារ Online របស់ចិន

ចិន៖ ស្រោមអនាម័យក្លែងក្លាយជាច្រើនប្រភេទសរុបជាទំហំទឹកប្រាក់ប្រមាណ ៥ លានយន់ (ជិត៨​ម៉ឺនដុល្លារអាមេរិក) កំពុងត្រូវបានបានគេដាក់លក់យ៉ាងព្រោងព្រាតនៅក្នុងទីផ្សារតាមបណ្តាញអ៊ីនធឺណិតល្បីៗរបស់ចិន។ បើយោងតាមរបាយការណ៍ស៊ើបអង្គេតរបស់ភ្នាក់ងាសារព័ត៌មាន Xinhua របស់ចិនបានឲ្យដឹងថា ស្រោមអនាម័យក្លែងក្លាយទាំងនេះ កំពុងមានវត្តនៅក្នុងផ្សារអ៊ីនធឺណិតធំៗរបស់ចិន​ ដោយមានទាំងនៅក្នុងផ្សារ Alibaba ទៀតផង។

តាមភស្តុតាំងដែលគេប្រមូលបាន បង្ហាញឲ្យឃើញថាស្រោមអនាម័យក្លែងក្លាយត្រូវបានជនខិលខូចបន្លំដាក់ក្នុងកញ្ចប់ស្រោយមអនាម័យ ដែលមានយីហោល្បីៗមួយចំនួនដូចជា Okamoto, Durex និង Jissbon ជាដើម។ សូមបញ្ជាក់ថា នេះមិនមែនជាករណីទី មួយទេ​ដែលគេអាចរឹបអូសបានស្រោមអនាម័យក្លែងក្លាយនៅក្នុងប្រទេសចិននោះ ពោលគឺនៅឆ្នាំ ២០១៣, ២០១៤ និង ២០១៥ ខាងអាជ្ញាធរបានបង្រ្កាបករណីផលិត និងចែកចាយស្រោយអនាម័យក្លែងក្លាយទ្រង់ទ្រាយធំជាច្រើនករណីនៅ តាមបណ្តាទីតាំងផ្សេងៗគ្នាផងដែរ៕

ភក្តី

ប្រភព៖ medium