កុំថាឡើយឡាន ឬម៉ូតូ សូម្បីតែមង និងកាណូតក៏ប្លន់ដែរ

​ពោធិ៍សាត់​ ៖​ នៅ​ថ្ងៃ​ទី​១៦​ ខែតុលា​ ឆ្នាំ​២០១៧​ វេលា​ម៉ោង​១​និង​៣០​នាទី​ រំលង​អា​ធ្រា​ត្រ​ នៅ​ចំណុច​ មុខ​ព្រែក​កំពង់​ថ្កោល​ លើ​ផ្ទៃ​ទឹក​បឹង​ទន្លេសាប​ ដែល​មាន​ចម្ងាយ​ពី​ភូមិ​ ប្រមាណ​ ៤​គីឡូម៉ែត្រ​ ស្ថិត​ក្នុងភូមិ​ កំពង់​ថ្កោល​ ឃុំ​ អ​ន្សា​ចំបក់​ ស្រុក​ក្រគរ​ ខេត្ត​ ពោធិ៍សាត់​។​

​សមត្ថកិច្ច​មូលដ្ឋាន​បាន​ឲ្យ​ដឹង​ថា​ជន​រង​គ្រោះ​ ៣​នាក់​រួម​មាន​ទី​១-​ឈ្មោះ​ ម៉ៅ​ ជាតិ​ អាយុ​ ២៤​ ឆាំ្ន​ ភេទ​ប្រុស​ ជាតិ​ ខ្មែរ​ រង​របួសធ្ងន់​ ទី​២-​ឈ្មោះ​ ម៉ៅ​ ប៊ុ​ន​ធឿ​ន​ អាយុ​២០​ឆាំ្ន​ ភេទ​ប្រុស​ ជនជាតិ​ខ្មែរ​ និង​ទី​៣-​ឈ្មោះ​ ម៉ៅ​ ចាន់​រ៉ា​ អាយុ​ ១៥​ ឆាំ្ន​ ភេទ​ស្រី​ ជនជាតិ​ខ្មែរ​ ទាំង​ ៣​ នាក់​ត្រូវជា​បងប្អូន​បង្កើត​ រស់នៅ​ភូមិ​ កំពង់​ថ្កោល​ឃុំ​ អ​ន្សា​ចំបក់​ ស្រុក​ក្រគរ​ ខេត្តពោធិ៍សាត់​។​

​តាម​សម្តី​ជន​រង​គ្រោះ​បាន​ឲ្យ​ដឹង​ថា​នៅ​ថ្ងៃ​កើតហេតុ​ខាងលើ​ខ្លួន​ទាំង​ ៣​ នាក់​បងប្អូន​ បាន​បើកកាណូត​ចេញ​ទៅ​រាយ​មង​ លុះ​ចេញ​ទៅ​ដល់​ចំណុច​កើតហេតុ​​ខាងលើ​ពុំ​ទាន់​បាន​រាយ​មង​ផង​ ស្រាប់តែ​មានការ​ណូ​ត​ចំនួន​ ២​ គ្រឿង​បើក​មក​បុក​កាណូត​របស់​ខ្លួន​ មាន​គ្នា​ប្រមាណ​ ១០​ ទៅ​១៣​ នាក់​ពុំ​ស្គាល់​អត្តសញ្ញាណ្ណ​ស្រែ​កថា​ ពួក​យើង​យក​មង​និង​ម៉ាស៊ីន​ ដាក់​លើ​កាណូត​យើង​ ប្រដាប់​ដោយ​សាង​ ដាវ​សាំ​ម៉ូ​រ៉ៃ​ ហើយ​និយាយ​ថាបើ​អាណា​ខ្លាំង​ ពួក​យើង​និង​សម្លាប់​ចោល​ពេល​នោះ​ពួក​វា​ក៏​ចាប់​បងប្រុស​របស់ខ្ញុំ​វាយ​បណ្តាល​អោយរ​ងរ​បួស​ជា​ទម្ងន់​ រីឯ​បងប្អូន​២​ នាក់​ទៀត​ សំពះ​សុំ​អង្វរ​សុំ​រួចខ្លួន​។​ ក្រោយ​ធ្វើ​សកម្មភាព​រួច​ជនសង្ស័យ​ បាន​នាំ​គ្នា​បើកកាណូត​សំដៅ​ទៅ​ឃុំ​ កំពង់ហ្លួង​បាត់​ទៅ​ ។​

​សម្ភារៈ​បាត់បង់ៈ​ សាច់​មង​៦០​ដុំ​ ស្មើ​ និង​ ៥០​ គីឡូក្រាម​,​ ស៊ី​ន​មួយ​គ្រឿង​ម៉ាក​ ហ៊ី​ណូ​កា​កំលាំង​១៨​សេះ​,​ បុក​បែក​កាណូត​មួយ​គ្រឿង​។​ ​បច្ចុប្បន្ន​កម្លាំង​ជំនាញ​កំពុង​ស្វែងរក​ក្រុម​ជន​ដៃដល់​ដើម្បី​យក​ម​ផ្តន្ទាទោស​តាម​ផ្លូវច្បាប់​ ៕

COMMENTS