អ្នករើសអេតចាយម្នាក់ត្រវប្រជាពលរដ្ឋចាប់វាយនឹងបំពង់ទីបដែកយ៉ាងដំណំ ដោយចោទថាជាចោរគាស់ផ្ទះ

ភ្នំពេញ៖ ប្រជាពលរដ្ឋបាននាំគ្នាចាប់បុរសជាអ្នករើសអេតចាយម្នាក់វាយនឹងដំបងទីបដែកយ៉ាងចាស់ដៃ ដោយចោទថាជាចោរគាស់ផ្ទះ តែត្រូវបុរសនោះអះអាងថាគាត់មិនដឹងរឿងអ្វីទេគ្រាន់តែដើរមកមើលគេលេងហ្គេម។ ហេតុការណ៍នេះបង្ករអោយមានការភ្ញាកផ្អើលកាលពីវេលាម៉ោង១២និង៣០នាទីរំលងអាធ្រាត ឈានចូលថ្ងៃទី១៤ ខែតុលា ឆ្នាំ២០១៧ នៅតាមបណ្តោុផ្លូវ២៣៤ ស្ថិតក្នុងសង្កាត់ផ្សារដើមគ ខណ្ឌទួលគោក។

ប្រភពពត៌មានពីប្រជាពលរដ្ឋបានអោយដឹងថា កាលពីប៉ុន្មានថ្ងៃមុនមានចោរគាស់ចូលផ្ទះគាត់លួចម៉ូតូអស់២គ្រឿង លុះពេលកើតហេតុ ពួកគាត់បានឃើញក្រុមជនសង្ស័យមានគ្នា៤នាក់ ជិះម៉ូតូ២គ្រឿងមកក្បែរៗរបងផ្ទះបម្រុងធ្វលសកម្មភាពទៀតតែត្រូវពួកគាត់ឃើញទាន់ក៏នាំគ្នាដេញចាប់បានម្នាក់ ចំណែកបក្សពួក៣នាក់ទៀតជិះម៉ូតូគេចខ្លួនអស់ ក្នុងនោះដែរប្រជាពលរដ្ឋរើសបានសសៃដែកសម្រាប់ឆ្កឹះមេសោរ និងមេសោរជួសជុលម៉ូតូមួយដើមនៅលើថ្នល់ដោយសង្ស័យថាជារបស់ជនសង្ស័យដែលពួកគាត់ចាប់ខ្លួនបាន។

ដោយឡែកជនសង្ស័យដែលប្រជាពលរដ្ឋចាប់ខ្លួនបានមានឈ្មើ អឿន អាន ភេទប្រុស អាយុ២៨ឆ្នាំ មុខរបររើសអេតចាយ ស្នាក់នៅម្តុំបូរីកីឡា បានសារភាពនៅចំពោះមុខសមត្ថកិច្ចថា គាត់មិនមែនជាចោរនោះទេ មុនកើតហេតុ គាត់បានដើរបណ្តើរគ្នាជាមួយប្រពន្ធគាត់ ហើយពេលប្រពន្ធទៅធ្វើការបាត់ក៏ដើរមកជិតកន្លែងកើតហេតុកនុងបំណងទៅមើលគេលេងហ្គេមបាញ់ត្រី ស្រាប់តែមានគេស្រែកចោរៗហើយចាប់គាត់វាយនឹងបំពង់ទីបដែកយ៉ាងចាស់ដៃតែម្តង ចំណែកសសៃដែកសម្រាប់ឆ្កឹះមេសោរដែលប្រជាពលរដ្ឋរើសបាននៅលើថ្នល់នោះមិនមែនជារបស់គាត់ទេ។

COMMENTS