ចាស់ចំណាស់ហ្នឹងហើយនៅប្រព្រឹត្តអំពើថោកទាបបែបនេះទៀត!

កណ្តាល៖ សមត្ថកិច្ចបានធ្វើការឃាត់ខ្លួនតាចាសអាយុ៦៨ឆ្នាំពាក់ព័ន្ធនឹងករណីរំលោភសេពសន្ថវៈលើក្មេងស្រី២នាក់ បន្ទាប់ពីទទួលបានពាក្យបណ្តឹងពីអាណាព្យាបាលជនរងគ្រោះ ដែលការឃាត់ខ្លួននេះបានធ្វើឡើងនៅថ្ងៃទី១៣ ខែតុលា ឆ្នាំ២០១៧នេះ នៅចំណុចភូមិព្រែកជីក ឃុំកោះចិន ស្រុកពញាឮ ខេត្តកណ្តាល។
ប្រផពពត៌មានពីក្មេងស្រីរងគ្រោះទាំង២នាក់ ម្នាក់អាយុ១៤ឆ្នាំ ម្នាក់អាយុ១៦ឆ្នាំបានអោយដឹងថា ជនសង្ស័យបានធ្វើសកម្មភាពចាប់រំលោភពួកគេបានសម្រេចម្តងតាំងពីកំឡុងខែមិថុនាពេលចូលឆ្នាំខ្មែរ និងលើកក្រោយៗទៀតគ្រាន់តែស្ទាបអង្អែលបៀតបៀនកេរ្តិ៍ខ្មាស ដោយគម្រាមជនរងគ្រោះមិនអោយនិយាយប្រាប់អ្នកណា រហូតមកដល់ថ្ងៃទី១២ ខែតុលា ឆ្នាំ២០១៧ ទើបជនរងគ្រោះដាច់ចិត្តនិយាយរៀបរាប់រឿងហេតុប្រាប់ឪពុកម្តាយ ទៅប្តឹងសមត្ថកិច្ចអោយឃាត់ខ្លួនជនសង្ស័យតែម្តង។ ជនសង្ស័យខាងលើមានឈ្មោះ គិត ចាន់ថុល ហៅសោរ ភេទប្រុស អាយុ៦៨ឆ្នាំ មុខរបរកសិករ មានទីលំនៅក្នុងភូមិឃុំកើតហេតុ។

ក្រោយឃាត់ខ្លួន សមត្ថកិច្ចបាននាំខ្លួនជនសង្ស័យយកទៅសួរនាំនៅប៉ុស្តិ៍នគរបាលដើម្បីកសាងសំនុំរឿងចាត់ការជាបន្តតាមផ្លូវច្បាប់៕

COMMENTS