Martial សម្រេចចិត្តនៅបិសាចក្រហម Manchester United បន្ដទៀតទោះបីជាត្រូវប្រកួតប្រជែងច្រើនដើម្បីដណ្ដើមជម្រើសដំបូងក៏ដោយ

យោងតាមការចុះផ្សាយរបស់សារពត៌មាន The Sun បានឲ្យដឹងថា៖ ខ្សែបម្រើស្លាប Anthony Martial ចង់បង្ហាញខ្លួននៅឯក្លិបបិសាចក្រហម Manchester United ក្រោមការដឹកនាំរបស់លោក Jose Mourinho បន្ដទៀតទោះបីជា Martial ត្រូវបានគេរំពឹងទុកថានឹងអាចចាកចេញពីក្លឹបបិសាចក្រហម Manchester United ក៏ដោយ។

ខ្សែបម្រើសញ្ជាតិបារាំងរូបនេះខកខានមិនបានបង្ហាញខ្លួននៅក្នុងព្រឹតិ្តការណ៍បាល់ទាត់ពិភពលោកនៅរុស្សីឆ្នាំនេះ បន្ទាប់ពី Martial បង្ហាញខ្លួនតិចពេកនៅក្នុងក្លឹបបិសាចក្រហម Manchester United ក្រោមការដឹកនាំរបស់គ្រូបង្វឹកសញ្ចាតិព័រទុយហ្គាល់នៅក្នុងទឹកដី Old Trafford។ ការមិនបានបង្ហញខ្លួននៅក្នុងក្លឹបច្រើននេះធ្វើឲ្យ Martial មានបំណងចង់ចាកចេញពីក្លឹបបិសាចក្រហម Manchester United ដើម្បីរកក្លឹបណាដែលរូបគេមានលទ្ធភាពបង្ហាញខ្លួនច្រើននៅក្នុងទីលាន។

ប៉ុន្ដែពេលនេះផ្ទុយទៅវិញ Martial បានសម្រេចចិត្តបន្ដស្នាក់នៅជាមួយនឹងក្លឹបបិសាចក្រហម Manchester United ហើយនឹងបានព្យាយាមហ្វឹកហាត់ដើម្បីស្វែងរកឈ្មោះចូលលេងឡើងវិញទោះបីជា Martial ពិបាកប្រកួតប្រជែងជាមួយនឹង Sanchez ក៏ដោយ។

បុត្រ

ប្រភព៖ Goal