ទិដ្ឋភាពពីលើអាកាស បង្ហាញពីជំនន់ទឹកទន្លេសេសាន កំពុងវាយលុកខេត្តស្ទឹងត្រែង

យោងតាមការបញ្ជាក់ពីក្រសួងធនធានទឹក និងឧតុនិយម បានឲ្យដឹងថា ឥទ្ធិពលព្យុះទី១៦ ឈ្មោះ បេប៊ីនកា បានបង្កឲ្យមានភ្លៀងធ្លាក់ជាបន្តបន្ទាប់ពីមធ្យមទៅច្រើន ហើយបណ្តាលឲ្យកម្ពស់ទឹកទន្លេមេងគង្គ ទន្លេសេកុង និងទន្លេសេសាន មានការកើនឡើងយ៉ាងខ្លាំង។

បច្ចុប្បន្ននេះ ជំនន់ទឹកទន្លេសេសានបាននឹងកំពុងតែវាយលុកឃុំតាឡាតរបស់ស្រុកសេសាន ខេត្តស្ទឹងត្រែង បណ្តាលឲ្យមានការជន់លិចយ៉ាងខ្លាំង។ ក្នុងនោះផងដែរ មន្ត្រីជំនាញកំពុងតែរកដំណោះស្រាយ ដើម្បីការពារកុំឲ្យបង្កគ្រោះថ្នាក់ដល់ប្រជាពលរដ្ឋផងដែរ៕

អត្ថបទ៖ សេម
រូបភាព៖ ក្រសួងធនធានទឹក និងឧតុនិយម