យុវជនវ័យ១៩ឆ្នាំសម្រេចចិត្តបញ្ចប់ជីវិតខ្លួនឯង ក្រុមគ្រួសារសង្ស័យថាមានវិបត្តិស្នេហា

តាកែវ៖ យុវជនវ័យ១៩ឆ្នាំម្នាក់សម្រេចចិត្តធ្វើអត្តឃាតដោយចង.កសម្លាប់ខ្លួនឯងនៅដើមស្វាយខាងក្រោយផ្ទះ សង្ស័យមានវិបត្តិស្នេហា។ ហេតុការណ៍នេះបង្ករការភ្ញាក់ផ្អើលកាលពីថ្ងៃទី៧ ខែតុលា​ ឆ្នាំ២០១៧ ស្ថិតក្នុងភូមិស្រែបឹង ឃុំព្រៃខ្លា ស្រុកកោះអណ្តែត ខេត្តតាកែវ។

ប្រភពពត៌មានពីក្រុមគ្រួសាររបស់ជនរងគ្រោះបានអោយដឹងថា ជនរងគ្រោះមិនមានទំនាស់ ឬវិបត្តិក្នុងគ្រួសារនោះទេ អ្នកជិតខាងនិងមិត្តភក្តិក៏មិនដែលមានទំនាស់អ្វីដែរ ដោយពួកគាត់សង្ស័យថាជនរងគ្រោះមានវិបត្តិស្នេហាទើបគិតខ្លីសម្រេចចិត្តបញ្ចប់ជីវិតខ្លួនឯងទាំងងក្មេងខ្ចីបែបនេះ។ ជនរងគ្រោះខាងលើមានឈ្មោះ ម៉ុន ចន្ធី ភេទប្រុស​ អាយុ១៩ឆ្នាំ មានទីលំនៅក្នុងក្នុងភូមិឃុំកើតហេតុ។

ក្រោយកើតហេតុ សមត្ថកិច្ចជំនាញបានចុះទៅធ្វើកោសល្យវិច្ច័យសាកសពនៅកន្លែងកើតហេតុ បញ្ជាក់អោយដឹងថាជនរងគ្រោះពិតជាស្លាប់ដោយធ្វើអត្តឃាតពិតមែន មិនមានពាក់ព័ន្ធនឹងបទល្មើសព្រហ្មទណ្ឌណាមួយនោះទេ។ សាកសពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕

COMMENTS