Lukaku ពិចារណាចូលនិវិត្តន៍ពីក្រុមជម្រើសជាតិប៊ែលហ្ស៊ិកបន្ទាប់ពី EURO 2020 បញ្ចប់

ខ្សែប្រយុទ្ធរបស់ក្លឹបបិសាចក្រហម Manchester United កីឡាករ Romelu Lukaku កំពុងធ្វើឲ្យអ្នកគាំទ្ររបស់គាត់ជាច្រើនមានការភ្ញាក់ផ្អើលអំពីអនាគតរបស់គាត់ដែល Lukaku មានបំណងចង់ចូលនិវិត្តន៍ពីក្រុមជម្រើសជាតិប៊ែលហ្ស៊ិកបន្ទាប់ពីការប្រកួតពានរង្វាន់ Euro 2020 បញ្ចប់។

នៅក្នុងបទសំភាសន៍ជាមួយនឹងអ្នកសារពត៌មានខ្សែប្រយុទ្ធសញ្ជាតិប៊ែលហ្ស៊ិករូបនេះបានលើកឡើងថា៖ រូបគេកំពុងពិចារណាចូលនិវត្តន៍ពីក្រុមជម្រើសជាតិប៊ែលហ្ស៊ិកនៅក្នុងអាយុ 27 ឆ្នាំពោលគឺការប្រកួត EURO 2020 បញ្ចប់។ គិតមកដល់ពេលនេះ Lukaku គឺជាកីឡាករប៊ែលហ្ស៊ិកដែលសុតបញ្ចូលទីច្រើនជាងគេ។

ការពិចារណាចូលនិវត្តន៍ទាំងវ័យក្មេងរបស់ Lukaku នេះបន្ទាប់ពីរូបគេគិតថា៖ ប៊ែលហ្ស៊ិកមានកីឡាករវ័យក្មេងច្រើនហើយថែមទាំងមានសមត្ថភាពខ្លាំងផងដែរដូច្នោះពួកគេត្រូវការការប្រកួតប្រជែងច្រើន។ ពួកគេចង់បានដំណែងខ្សែប្រយុទ្ធរបស់គាត់ ពេលនេះគាត់មិនព្រមទាន់ឲ្យដំណែងមួយនេះទេ ប៉ុន្ដែដំណែងនេះនឹងក្លាយជារបស់ពួកគេក្នុងរយៈពេល​ 2 ឆ្នាំទៀត។ 

បុត្រ

ប្រភព៖ 90min