ជឿទេថា iPhone X អាចនឹងមានម៉ូដែល Plus? មកមើលរូបភាពទាំងនេះទាំងអស់គ្នា…

កាលពីខែមុននេះ ក្រុមហ៊ុន Apple បានធ្វើការណែនាំទាក់ទងទៅនឹង iPhone X របស់ខ្លួន ដែលមានការរចនារូបរាងថ្មី និងបច្ចេកវិទ្យាទាក់ចិត្តអតិថិជនផងដែរ។ ដោយឡែក សម្រាប់លើកនេះក្រុមហ៊ុនប្រកាសចេញលក់តែមួយម៉ូដែលប៉ុណ្ណោះ ពោលគឺមិនមានម៉ូដែល Plus នោះទេ ដែលជាហេតុនាំឲ្យមានពាក្យចចាមអារាមជាច្រើនបានលើកឡើង។

យោងតាមគេហទំព័រ The Korean Herald បានលើកឡើងថា ក្រុមហ៊ុន Apple អាចនឹងប្រកាសចេញលក់ម៉ូដែល Plus ទៀតសម្រាប់ iPhone X ជាមួយនឹងទំហំអេក្រង់ 6.4អ៊ីញ ប្រភេទ OLED។ ពឹងលើទំហំអេក្រង់ប៉ុណ្ណេះ គឺពិតជាធំមែនទែន ពោលគឺធំជាង Galaxy Note 8 ទៅទៀត ដែលមានទំហំត្រឹមតែ 6.3អ៊ីញ។ ទោះជាយ៉ាងណា សម្រាប់ម៉ូដែល Plus នេះគឺពុំមានអ្វីផ្លាស់ប្ដូរខុសពីម៉ូដែលធម្មតាទេ រឺអាចនិយាយបានថាខុសគ្នាតែទំហំប៉ុណ្ណោះ។

គួរបញ្ជាក់ផងដែរថា កាលពីមួយរយៈមុន ក្រុមហ៊ុន Apple ក៏ធ្លាប់មានគម្រោងក្នុងការផលិត iPhone ដែលមានទំហំតូច​ត្រឹម 5.2អ៊ីញប៉ុណ្ណោះ ប៉ុន្ដែប្រើប្រាស់ដោយកញ្ចក់ប្រភេទ OLED។ រហូតមកដល់ពេលនេះ យើងសង្កេតឃើញថាក្រុមហ៊ុនអាចនឹងកំពុងផ្ដោតទៅលើ iPhone X Plus ទៅវិញ។

ទោះជាយ៉ាងណា យើងរងចាំមើលទាំងអស់គ្នាថា ពាក្យចចាមអារាមនេះអាចក្លាយទៅជាការពិត រឺទេ។ មួយវិញទៀត ពាក្យចចាមអារាមដដែលបានបន្ដថា iPhone X Plus អាចនឹងចេញរូបរាងនាកំឡុងឆ្នាំ2018 ខាងមុខ។

Fu

ខ្មែរណូត

ប្រភព៖ technobuffalo

COMMENTS