ព្រឺសម្បុរណាស់ ! នៅក្នុងសាលាចំណាស់មួយមានអាយុកាលជាង២០០ឆ្នាំ ស្រាប់តែមានរឿងរន្ធត់បែបនេះកើតឡើង

ប្រទេសអៀឡង់ ៖ បើទោះបីជាសម័យនេះវិទ្យាសាស្រ្តមានការរីកចំរើនខ្លាំងយ៉ាងណាក៏ដោយ ក៏អបិយជំនឿដែលមិនមានមូលដ្ឋានច្បាស់លាស់នៅតែដក់ជាប់ក្នុងចិត្តប្រជាជនក្នុងប្រទេសមួយចំនួនដែរ។ ប្រភពព័ត៌មានរបស់បរទេស​មួយបានចុះផ្សាយពីរឿងរ៉ាវដ៏រន្ធត់មួយ ដែលកើតឡើងនៅក្នុងសាលាវ័យចំណាស់មួយក្នុងប្រទេសអៀឡង់។ រឿងរ៉ាវដ៏រន្ធត់ដែលបានកើតឡើងនេះត្រូវថតបានដោយកាមេរ៉ាសុវត្ថិភាពរបស់សាលានេះផ្ទាល់តែម្តង វីដេអូនេះត្រូវបានគេយកទៅចែករំលែកក្នុងបណ្តាញសង្គម។

តាមរយៈវីដេអូដែលគេចែករំលែកក្នុងបណ្តាញសង្គមនេះបានបង្ហាញពីភាពចម្លែកក្នុងបន្ទប់ដាក់សៀវភៅក្នុងសាលាមួយនាទីក្រុង Cork ប្រទេសអៀឡង់ សាលាមួយនេះជាសាលាវ័យចំណាស់ដែលមានអាយុកាលជាង២០០ឆ្នាំមកហើយ។ អ្នកដែលនៅជិតកន្លែងកើតហេតុបានប្រាប់ថាតែងតែមានរឿងប្លែកជាច្រើនដែលបានកើតឡើងនៅក្នុងបន្ទប់ដាក់សៀវភៅនេះ គេតែងតែលឺសម្លេងប្លែកជាច្រើនតែមិនមានអ្នកណាម្នាក់ច្បាស់ថាវាជាអ្វីនោះទេ។

កាលពីថ្ងៃទី០១ ខែតុលា ឆ្នាំ២០១៧នេះសម្លេងដ៏ចម្លែកមួយបានលឺលាន់ពេញអគារនៅម៉ោង០៣ទៀបភ្លឺ ដោយមានការសង្ស័យគេក៏បានបើកកាមេរ៉ាសុវត្ថិភាពមើលទើបបានឃើញរូបភាពទ្វាបិទបើកដោយខ្លួនឯង ហើយទូដាក់ឥវ៉ាន់មួយបានរង្គើយ៉ាងខ្លាំងដោយខ្លួនឯង។ អ្នកប្រើប្រាស់បណ្តាញសង្គមជាច្រើនមានការចាប់អារម្មណ៍យ៉ាងខ្លាំងលើករណីមួយនេះហើយបានបញ្ចេញមតិបែបផ្សេងៗពីគ្នា មានអ្នកខ្លះក៏ជឿទៅលើរឿងនេះ តែក៏មានអ្នកខ្លះទៀតមិនជឿនោះទេ៕
ខាងក្រោមជាវីដេអូ តោះទស្សនាទាំងអស់គ្នា ៖

ប្រភព ៖ sanook

COMMENTS