Messi ក្លាយជាកីឡាករដំបូងដែលឈ្នះពានរង្វាន់ច្រើនជាងគេជាមួយនឹងក្លឹប Barcelona

ខ្សែប្រយុទ្ធ Lionel Messi ក្លាយជាកីឡាករដំបូងគេក្នុងប្រវតិ្តសាស្រ្ដរបស់ក្លឹបអ្នកមានបុណ្យ Barcelona ដែលឈ្នះពានរង្វាន់ច្រើនជាងគេជាមួយនឹង Barcelona ដល់ទៅ 33 ពានរង្វាន់គិតត្រឹមពេលនេះ Messi មានអាយុ 31 ឆ្នាំ។

កាលពីព្រឹិកនេះក្លឹបអ្នកមានបុណ្យ Barcelona ទើបតែឈ្នះពានរង្វាន់បើករដូវកាលថ្មី Spain Super Cup បន្ទាប់ពី Barcelona យកឈ្នះក្លឹប Sevilla ដោយលទ្ធផល 2-1។ ការប្រកួតដណ្ដើមពានរង្វាន់បើករដូវកាលថ្មី Spian Super Cup កាលពីយប់មិញនេះគឺធ្វើឡើងនៅក្នុងប្រទេសម៉ារ៉ុក។

ទន្ទឹមនឹងការឈ្នះរបស់ Barcelona នេះ ខ្សែប្រយុទ្ធ Lionel Messi បានចារឈ្មោះថ្មីនៅក្នុងប្រវតិ្តសាស្រ្ដរបស់ក្លឹបក្លាយជាកីឡាករដំបូងរបស់ក្លឹប Barcelona ដែលឈ្នះពានរង្វាន់ច្រើនជាងគេ។ គិតមកដល់ពេលនេះខ្សែប្រយុទ្ធ Lionel Messi បានឈ្នះពានរង្វាន់ចំនួន 33 ហើយជាមួយនឹងក្លឹប Barcelona ខណៈដែល Messi ទើបតែមានអាយុ 31 ឆ្ណាំតែប៉ុណ្ណោះ។

បុត្រ

ប្រភព៖ Goal