ខ្សែភាពយន្ត “Christopher Robin” ត្រូវបានហាមឃាត់មិនឲ្យចាក់បញ្ចាំងនៅចិន ដោយសារតែតួអង្គតុក្កតាមានមុខមាត់ស្រដៀងនឹងប្រធានាធិបតីចិន

ចិន៖ ខ្សែភាពយន្ត ដែលមានចំណងជើងថា “Christopher Robin” គឺខ្សែភាពយន្តដ៏ល្បីមួយ ដែលមានមនុស្សជាច្រើននៅជុំវិញពិភពលោកកំពុងតែរង់ចាំទស្សនា។ តែយ៉ាងណាក្តី ប្រជាជននៅក្នុងប្រទេសចិននឹងមិនបានទស្សនាខ្សែភាពយន្តនេះទេ ព្រោះថាបើតាមរបាយការណ៍មួយបានឲ្យដឹងថា ខ្សែភាពយន្តនេះត្រូវបានគេហាមឃាត់មិនឲ្យចាក់ផ្សាយនៅក្នុងប្រទេសចិនឡើយ។ បើយោងតាមសារព័ត៌មាន Worldofbuzz បានឲ្យដឹងថា មូលហេតុនៃការហាមឃាត់មិនឲ្យធ្វើការចាក់ផ្សាយខ្សែភាពយន្តនេះ ទំនងជាគេមើលឃើញថា ក្នុងខ្សែភាពយន្តនោះមានតួអង្គតុក្កតាមួយ ដែលមានមុខមាត់ស្រដៀងគ្នាទៅនឹងលោកប្រធានាធិបតី ចិន Xi Jinping។

តួអង្គតុក្កតានោះត្រូវបានគេស្គាល់ថាជាតួអង្គ Winnie The Pooh​។ សូមបញ្ជាក់ជូនថា កន្លងមកតួអង្គតុក្កតា Winnie The Pooh ត្រូវបានក្រុមអ្នកប្រើប្រាស់បណ្តាសសង្គមយកទៅធ្វើការប្រដូចជាមួយនឹងលោកប្រធានាធិបតី Xi Jinping រួមជាមួយនឹងថា្នក់ដឹកនាំល្បីៗជាច្រើនរូបទៀតផងដែរ។ ប្រិយមិត្តអាចទស្សនាកម្រងរូបភាពនៃការប្រដូចលោកប្រធានាធិបតី Xi Jinping ជាមួយនឹងតុក្តកាដូចខាងក្រោមនេះ៖


អត្ថបទ៖ ភក្តី

ប្រភព៖ worldofbuzz