ភ្ញៀវទេចរណ៍រាប់ពាន់នាក់ សម្រុកនាំគ្នាចេញពីកោះ Bali និង Lombok របស់ឥណ្ឌូនេស៊ី ក្រោយកើតមានគ្រោះរញ្ជួយដី

ឥណ្ឌូនេស៊ី៖ បន្ទាប់ពីគ្រោះរញ្ជួយដីកម្រិត ៧.០ បានកើតឡើងនៅក្នុងតំបន់ឆ្នេរសមុទ្រលើកោះ Bali និង Lombok នៃប្រទេសឥណ្ឌូនេស៊ីរួចមក ពេលនេះភ្ញៀវទេចរណ៍ជាច្រើនពាន់នាក់កំពុងតែប្រមូលគ្នាយ៉ាងកកកុញ និងបានបង្កើតឲ្យមានភាពចលាចលទៀតផង ព្រោះតែពួកគេព្យាយាមឡើងជិះទូកចាកចេញពីតំបន់កើតហេតុនេះ។ គួររម្លឹកឡើងវិញថា កាលពីថ្ងៃអាទិត្យកន្លងទៅនេះ នៅម៉ោងប្រមាណជា ៦ និង ៤៥នាទីល្ងាច គ្រោះរញ្ជួយដីកម្រិត ៧.០ បានវាយប្រហារតំបន់ខាងលើ និងបានបង្កឲ្យមានភាពវឹកវរយ៉ាងខ្លាំង ព្រោះថាពេលនោះភ្ញៀវទេសចណ៍ជាច្រើនកំពុងតែធ្វើសកម្មភាពកំសាន្ត។

គិតមកទល់នឹងពេលនេះចំនួនអ្នកស្លាប់បានកើនឡើងដល់១៤០នាក់ និងមានអ្នករងរបួសធ្ងន់ស្រាលជាច្រើនរយនាក់ទៀត។ ចំណែកឯខាងរដ្ឋាភិបាលវិញ កំពុងតែដុតដៃដុតជើងជួយសង្គ្រោះជនរងគ្រោះ និងជួសជុលហេដ្ឋារចនាសម្ព័ន្ធគ្រប់កន្លែងដែល បានរងនូវការខូចខាត។ សូមអញ្ជើញប្រិយមិត្តទស្សនាទិដ្ឋភាពនៃភាពចលាចលនៅលើកោះ Bali និង Lombok ដូចខាងក្រោមនេះ៖

អត្ថបទ៖ ភក្តី

ប្រភព៖ dailymail