ស្រៀវជំនួស! ពិតជាកម្របានឃើញណាស់ រូបភាពរបស់ព្យុះធូលីដីដែលត្រូវបានថតដោយចៃដន្យពីលើឧទ្ធម្ភាគចក្រ

ក្នុងសប្ដាហ៍នេះ អ្នកថតរូបម្នាក់លោក Jerry Ferguson បានកំពុងធ្វើដំណើរតាមឧទ្ធម្ភាគចក្រក្រោមអាកាសធាតុខ្យល់មូសុងនារដូវផ្ការីកដើម្បីទៅយកពត៌មាននៅឯទីក្រុង Phoenix រដ្ឋអារីហ្សូណា ដែលក្នុងខណៈនោះខ្យល់ព្យុះធូលីដីដ៏សាហាវមួយបានបង្ហាញខ្លួន ហើយបក់បោកយ៉ាងខ្លាំង។ ស្របពេលជាមួយគ្នានោះ Ferguson បានព្យាយាមថតយករូបភាពនៃខ្យល់ព្យុះនោះប៉ុន្មានសន្លឹកដែលមើលទៅពិតជាគួរឲ្យរន្ធត់។

លោក Ferguson ត្រូវបានគេស្គាល់ថាជាអ្នកថតរូបអាជីបអស់រយៈពេលជាង 20មកហើយ ឯការធ្វើដំណើរតាមឧទ្ធម្ភាគចក្របែបនេះ គឺអស់រយៈពេលជាង 6ឆ្នាំហើយដែរ។ ទោះជាយ៉ាងណា រូបភាពដែលយើងទទួលបាននេះគឺថតចេញពីកាមេរ៉ាស្មាតហ្វូនម៉ូដែល Google Pixel 2 ប៉ុណ្ណោះ។

ទាក់ទងទៅនឹងការប្រើប្រាស់ស្មាតហ្វូនដើម្បីផ្ដិតយករូបភាពបែបនេះ លោកបានបកស្រាយថា “យើងមានកាមេរ៉ា DSLR ដែលរក្សាទុកនៅឯខាងក្រោយ ប៉ុន្ដែសម្រាប់ថតប្លង់ទូលាយប៉ុណ្ណោះ។ ដូចនេះ ខ្ញុំក៏គិតឃើញយកស្មាតហ្វូន Pixel 2 នេះមកថតជំនួស ព្រោះវាមានសមត្ថភាពសមល្មមអាចផលិតរូបភាពបានល្អផងដែរ។”

គួរបញ្ជាក់ផងដែរថា ខ្យល់ព្យុះនេះជាធម្មតាតែងកើតមានឡើងក្នុងកំឡុងរដូវខ្យល់មូសុងនៃរដ្ឋអារីហ្សូណា (ថ្ងៃទី15 ខែឧសភា ដល់ ថ្ងៃទី30 ខែកញ្ញា) ហើយក្នុងមួយសប្ដាហ៍ខ្យល់ព្យុះប្រភេទនេះតែងកើតមានឡើងប្រមាណជា 2ដង។ ចំពោះខ្យល់ព្យុះដែលមានទ្រង់ទ្រាយធំគឺមានល្បឿនដល់ជាង 60mph ឯណោះ។ កុំឲ្យខាតពេលយូរ សូមទស្សនារូបភាព និងវីដេអូខាងក្រោម៖

Fu

ប្រភព៖ petapixel