ក្រុមហ៊ុន Samsung និង Apple ចាប់ដៃគ្នាក្នុងការវិនិយោគទឹកប្រាក់រាប់ពាន់លានដុល្លាសម្រាប់គម្រោងនៃការផលិត iPhone ជំនាន់ថ្មី

នៅពេលដែលអ្នកគិតដល់ស្មាតហ្វូនរបស់ក្រុមហ៊ុន Samsung នោះបានន័យថា អ្នកកំពុងគិតដល់ Galaxy S8 រឺ Galaxy Note 7 មិនខាន។ ប៉ុន្ដែស្របពេលជាមួយនឹងក្រុមហ៊ុន Samsung មានសមត្ថភាពគ្រប់គ្រាន់ក្នុងការផលិតស្មាតហ្វូនដោយខ្លួនឯង ក៏ក្រុមហ៊ុននេះបានដើរតួរយ៉ាងសំខាន់ជាអ្នកផ្គត់ផ្គង់សមាសភាគមួយចំនួនសម្រាប់ដៃគូប្រគួតខ្លួនដែរ ដែលក្នុងនោះមានទាំងក្រុមហ៊ុន Apple ផង។

ស្របពេលជាមួយគ្នានេះដែរ មិនប៉ុន្មានខែទៀតទេ iPhone 8 នឹងត្រូវបានលេចមុខលើទីផ្សារជាសាធារណៈហើយ។ ចំណែកឯក្រុមហ៊ុន Samsung គឺជាអ្នកផ្គត់ផ្គង់អេក្រង់ប្រភេទ OLED សម្រាប់ម៉ូដែលចុងក្រោយរបស់ក្រុមហ៊ុន Apple នេះ។

យោងតាមសារពត៌មាន ETNews បានបញ្ជាក់ថា ក្រុមហ៊ុន Samsung នឹងវិនិយោគទុនជាទឹកប្រាក់រហូតដល់ទៅរាប់ពាន់លានដុល្លាទៅក្នុងគម្រោងថ្មីនៃការផលិតអេក្រង់ប្រភេទ OLED។ ប៉ុន្ដែ គម្រោងនេះនឹងត្រូវបានចាប់ផ្ដើមរហូតក្នុង ឆ្នាំ2019ឯណោះ។ សម្រាប់ការរំពឹងទុករបស់ក្រុមហ៊ុន Apple វិញគឺទាក់ទងទៅនឹងការផ្លាស់ប្ដូរស្ទើរទាំងស្រុងនៃត្រកូល iPhone ដោយបំពាក់អេក្រង់ប្រភេទ OLED ជំនួសវិញក្នុងរយៈពេលប្រមាណជា 2ឆ្នាំខាងមុខទៀត។ ទោះជាយ៉ាងណា ក្រុមហ៊ុន Samsung បានត្រៀមខ្លួនរួចជាសម្រេចក្នុងដំណើរការនេះ។

គួរបញ្ជាក់ផងដែរថា សម្រាប់ចំនួនទឹកប្រាក់នៃការវិនិយោគទុននេះគឺប្រមាណជា 21ពាន់លានដុល្លារឯណោះ។ ហើយសម្រាប់ចំនួននៃការផលិតអេក្រង់វិញគឺ 270,000គ្រឿងក្នុងមួយខែ។ អាចនិយាយបានថា ចំនួននេះគឺគ្រប់គ្រាន់សម្រាប់ក្រុមហ៊ុន Samsung ក្នុងការផ្គត់ផ្គង់លើទីផ្សារអេក្រង់ប្រភេទ OLED។ ចំណែកឯក្រុមហ៊ុន Apple វិញគឺត្រូវរក្សារការសហការនេះឲ្យបានល្អ ពោលគឺដើម្បីចាប់ដៃគ្នាបន្ដទៅមុខទៀតនៅថ្ងៃអនាគត ដើម្បីរីចម្រើនជាមួយគ្នា។

Fu

ខ្មែរណូត

ប្រភព៖ bgr

COMMENTS