ក្រុមអ្នកគាំទ្រកូរ៉េខាងជើងនាំគ្នាពាក់មុខរូបឪពុករបស់លោក គីម ជុងអ៊ុន បង្កឲ្យមានការរិះគន់ថា…

ក្នុងការប្រកួតកីឡា Ice Hockey (កីឡាវាយដុំមូលលើទឹកកក) រវាងក្រុមជម្រើសជាតិកូរ៉េខាជើង និងក្រុមជម្រើសជាតិ ស្វីស គេសង្គេតឃើញថា ក្រុមអ្នកគាំទ្ររបស់កូរ៉េខាងជើងបានស្លៀកពាក់ឯកសណ្ឋានដូចគ្នារួមជាមួយនឹងការពាក់ម៉ាស់ បិតមុខរូបលោក គីម អ៊ីលសុង អតីតមេដឹងនាំកូរ៉េខាងជើងគួរឲ្យចាប់អារម្មណ៍បំផុត។ ការប្រកួតកីឡា Ice Hockey គឺជាផ្នែកមួយនៃការប្រកួតកីឡា Winter Olympics ដែលបានរៀបចំឡើងនៅក្នុងស្រុក Pyeongchang County ប្រទេសកូរ៉េខាងត្បូងចាប់ពីថ្ងៃទី ៩ ខែ កុម្ភៈ ដល់ ថ្ងៃទី ២៥ ខែកុម្ភៈ ឆ្នាំ ២០១៨ ដោយមានប្រទេសជាច្រើនមកចូលរួមប្រកួត។

ក្រុមអ្នកគាំទ្រកូរ៉េខាងជើងដែលបានបង្កឲ្យមានការចាប់អារម្មណ៍នេះគឺជាក្រុមស្ត្រីស្អាតចំនួន ២០០ នាក់ ដែលត្រូវបានរៀបចំ និងបញ្ចូនមកធ្វើជាអ្នកគាំទ្រជាពិសេសពីសំណាក់រដ្ឋាភិបាលកូរ៉េខាងជើងក្រោមការដឹកនាំរបស់លោក គីម ជុងអ៊ុន។ ក្រោយបញ្ចប់ការប្រកួតដែលកូរ៉េខាងជើងអាចយកឈ្នះស្វីលដោយពិន្ទុ ៨ ទល់ ០ នេះ មានមតិរិះគន់មួយចំនួនបានលើកឡើងថា កូរ៉េខាងជើងបានកីឡា Winter Olympics ធ្វើជាឧបករណ៍ឃោសនានយោបាយ។ យ៉ាងណាក្តី ក្រុមអ្នកវិភាគខាងខ្លះបានលើកឡើងថា ភាពសប្បាយរីករាយរបស់កូរ៉េខាងជើងនេះគឺជាសញ្ញាល្អមួយដែលបង្ហាញថា សម្ពាធរបស់កូរ៉េខាងជើងកំពុងថយចុះហើយ៕

ភក្តី

ប្រភព៖dailymail